میر بالاچ مریءِ شھمیریءِ دئومی سالروچ دارگ بیگا إنت

بلوچ شھمیرانءِ سالار میر بالاچ مریءِ شھمیریءِ دئومی سالروچ دنیاءِ أواریں کنڈاں دارگ بیگا إنت۔ خاصیں دیوانے ماں مشرقی بلوچستانءِ بنجاھی شھر کوئٹہءِ دمگ نیوکاھانءَ 19 نوامبرءَ برجم دارگ إبیت۔

إیشیا أبید مزنیں دیوانے مان أمریکاءِ شھر واشنگٹن ڈی سیءِ نشنل پرئس کلب شہ بلوچستانءِ أمریکائی دوست نامیں گلےءِ نیمگا سرجم کنگ بیگا إنت۔ إے دیوانا واجہ أحمر مستی خان سرکشی کنگا إنت و بھر زیروکیں مھمانانءِ نیاما سیاسی و چاگردی شھزانت گون أنت۔

واشنگٹنءِ دیوان 21 نوامبرءَ صحبءِ کلاک 10 تا بیگاہ 6ءَ دارگ بیگا إنت۔ خاصیں ترانکار واجہ سلئگ ھئریسن، إسماعیل أمیری، پروفسر گل آغا، داکٹر ظفر بلوچ دگہ لھتے گچینی کوّاس أنت۔

گڈی خاصیں دیوان ماں لندن یونیورسٹی یونینءِ ماڑیا شہ سئے ٹولیانءِ نیمگا ھؤریا برجم دارگ بیگا إنت۔ برجم داروکیں ٹولیانءِ نام 'بلوچ یومن رائٹس کونسل، بلوچستان رائٹس موومنٹ و ورلڈ سندھی کانگرس' أنت۔

لندنءِ دیوان 22 نوامبرءِ بیگاہ کلاک 1 تانکہ 4ءَ بیگی إنت۔ گوں إے دیوانا سریں جھدکار تران کن أنت۔ خاص واجہ صمد بلوچ، واجہ فیض بلوچ و واجہ حلیم بھٹیءِ نام ودی أنت۔

شھمیر بالاچ مری گون پاکستانی فوجا یک دیم پہ دیمی جنگےءِ درگتا مشرقی بلوچستانءَ 21 نوامبر 2007ءَ جنگ بیتگ أت۔ میر بالاچ مریءِ گوں پاکستانی فوج مڑگءِ مقصد بلوچستانءِ آزادی أت۔
۔
میر بالاچءِ شھمیری باروا نوامبر 2007ءَ بلوچی نیوزءِ تھا شنگ بیتگیں لھتے گچینی حال چیرا داتگ أنت۔
میربالاچ مریء شھادت؛ چارمی روچءَ ھم تھروز جاری
اماراتءَ میربالاچءِ یادا دیوان و میرگزین مریءِ کلہ پہ بلوچ راجءَ
بحرینء بلوچانء داشتگین پرسی دیوان پہ راجی ھیرو میر بالاچ
بالاچ منی یکـّين برات و چہ ھرچيز منا دوستر ات، براھمدگ بگٹی
گلــــزمینء نمیـــــــرانین بچ
میربالاچ کجا و چؤن شیھد کنگ بیت؟۔
میر بالاچ مریء شھادت؛ سرجمین بلوچستان بُن انت
بلوچستانء مزاحمتی تحریکء دگہ استارے کپت
Source: www.balochinews.com