جیھل رئیسی , عیسی خان مبارکی ءُ امب
ھیچان ءِ کلات ءِ نزیک ءَ کوھن ءُ کدیمی امبے ھست کہ ھرکس ھیچان ءِ بادشاہ بوتگ اے امب بادشاہ ءِ بوتگ ,بزاں سرکاری امبے بوتگ . اے امب دنیگا ھست انت .امبِ ءِ پلّ کنوک ءُ سمبالوک رئیس بوتگ انت . منی پت جیھل ءَ گوشت امب رستگ ات ءُ گوادنزے بوتگ ات ءُ لھتے امب گوادنزءَ دور داتگ ات . من امب چت انت ءُ وتی لوگ ءَ برت انت کہ آ سال ءَ منی کٹم ءَ امب پلّ کتگ ات . منی پت یلی ءَ من ءَ گوشت او جیھُک عیسی خان ءِ سّڈ ءِ سرات زرتگ , امب ات چتگ ءُ آورتگ انت , ھما عیسی خان کہ آھرّانیانی شلواراں گربگ مان کتگ ,. ھما عیسیخان کہ کُلی ءِ دست پاد ءُ زبان بُرتّنت ءُ شگیمی ھمے ھیچان ءِ کلات ءَ داوت دات ءُ کشت انت .
من پسہ دات منی پت ھرچی بیت بلیّ بیت نوں ھبر چہ ھلوت ءَ گوستگ , اے منی بھر بوتگ انت کہ من چتگ ءُ آووتگ انت بیا وتی دپ ءَ شیرکن کن ءُ واجہ پہ چار دانگ امب ءَ من ءَ نکشیت. باز دیر نگوستگ ات کہ باد شاہ ءِ سپاھیگ یارُک گوں دراجیں تپنگ ءَ زاھر بوت ءُگوشت جیھل ترا کلات ءَ لوٹ انت
من ءُ یارُک کلات ءَ سربوتیں , کلات ءِ بُرجُک ءَ واجہ ءِ دیوان ات . من سلام دات , منی علیک نگپت . من کرّے ءَ نشتاں . واجہءِ بروت کانٹ اتنت ءُ چپ ءُ راست ءَ سر سرینتگ ءُتاب داتگ ات . من وتی دل ءَ گوشت جیھل اگاں مرد بئے یا بگا آپ ءَ ترا برتگ. دمانے ءَ رند واجہ ءَ منی نیمگ ءَ چارت ءُ گوشت ; جیھل . من پسہ دات جی واجہ
جیھل ترا امب وشّ بیت؟ من پسہ ھو من ءَ امب وشّ بیت. جیھل ترا امب وشّ بیت ؟ من پدا پسہ دات من ءَ امب سّک وشّ بیت . سیمی رندا جست کت جیھل ترا امب وشّ بیت ؟ من پسہ دات ھو من ءَ امب وشّ بیت .گوشت ئے بگرات بدرنجت ئے . احمد شاہ کشیگی کہ آئی ءِ پوج ءِ کمانڈر ات ءُ ھما دیوان ءَ نشتگ ات ءُ منی گھارءِ سانگ کتگ ات پسہ دات : واجہ پسے نہ انت کہ درنج ئے . ملام ئے بکن . واجہءَ گوشت تو گوشئے ملام , یک ھزار کُرش ملام انت
من پاداتکاں ءُ لوگ ءَشتاں .ایدگہ سھب ءَ یارُک ءَ تپنگ زمین ءَ جت ءُ مئی لوگ ءِ دپ ءَ نشت ءُ دانکہ سے روچ ءَ یکھزار کُرش. وھدیکہ روچ نشت ءُ یارک شت ما سجئیں سے شپ ءَ توشگ نا ءُ دانے ھست ات ھراں لڈّ ات انت ءُ کورکان ءِ کڈّاں ایر کت انت ءُ سیمی روچ ءِ بیگاہ ءَ گوں یارک ءَ گوشت باندات ھزار کرش ءَ کاراں . وھدیکہ یارک ءَ پشت مان دات من گوں وتی کٹم ءَ دیم پہ بِنت ءَ سرگپتیں .ءُ بنت ءِ بادشاہ ایوب خان ءِ میار بوتیں . ایوب خان ءَ مارا وشاتک گوشت لوگ ءُ جاگہ دات ءُ ورد ءُ وراک ءِ بند ءُ بست . ایوب ءَ گوشت عیسی خان شمارا نیم چمّی چارت نکنت. من ءَ ایوب خان مَگش ات ,من ایوباں . مدتّے ءَ رند عیسی خان ءَ ھیچانی کماش دیم دات انت ءُ مااش پدا ھیچان ءَ آورت ءُ ما ھزار کرش ندات
عیسی خان چونکا ھیچان ءِ بادشاہ بوت ؟
پیش چہ عیسی خان ءَ ھیچان ءِ بادشاہ مدد خان شیرانی ات . عیسی خان ءَ آئی ءِ گھار بیبی گراناز ءِ سانگ کتگ ات . مدد خان بے رندے ات . گزابیک رئیسی ءِ ناکوگ ھدامرزیں میا احمد شاہ ءَ کشہ کت. ھیچان ءَ وباہ ءِ نادراھی کپت . مدد خان یکے ءِ پرس ءَ شت . وھدیکہ کلات ءَ واتر بوت وباہ ءُ لاپرچ ءَ گپت . عیسی خان ءَ کشیگی ذوالفقار دیم دات کہ بچاریت مرگی انت یانہ . ذولفقار ءَ چارت ءُ آتک ءُ گوشت مرگ ءِ نشانی زاھر آنت . عیسی خان گوں ذولفقار ءَ مدد خان ءِ چارگ ءَ شت انت . مدد خان ءَ وت ءَ ڈڈّ پیش داشت ءُ چانکوٹ جت . آ پادآتک انت کہ نادراھی آیان ءَ مگریت . عیسی خان ءَ گوں ذولفقار ءَ گوشت مردک مرگی نہ انت . رواں کُشان ئی ءُ کلات ءَ گراں . ذولفقار ءَ پسہ دات وت ءَ بنّام مکن مردِ مریت . دیر نگوست زار چست بوت انت
احمد خان ءَ وتی برات پہ قبر کنگ ءَ گھ ءَ برت . عیسی حان ءَ مدد حان ءِ ازباب ءُ سامان چہ کلات ءِ سرءَ کور ءَ دور دات انت ءُ کلات گپت. حسین خان ءَ وتی برات احمد خان نہرّاں مان بست کہ کلات ات ھشتگ ءُ برات ءِ جون بڈّ ءَ جتگ ءُ آورتگ .اشتاپ بکن برو . عیسی خان ءَ ذولفقار پیرکھور ءَ دیم دات ءُ گوشت اگاں دیم ءَ بکنزئے کشان ات ........ احمد خان پدا گہ ءَ واتر بوت ... گڈ سر ءَ ھیچان ءَ جنگ مچّ ات .....کسہ دراج انت من وتی کتاب( منی ھیچان ءَ) نبیستگ ..باریں کدی چاپ بیت
دلگوش: ذولفقار ءَ گزابیکءِ ترو گوھر خاتون ءِ سانگ کتگ ات کہ انگت ءَ زندگ انت کہ منی پیرک یلی ءِ گھارزھت انت . ءُ احمد شاہ ءَ منی ترو گراناز ءِ سانگ کتگ ات کہ آ ھم انگت ءَ زندگ انت ءُ رند چہ احمد شاہ ءِ مرگ ءَ مھتی قادر بکش میران ءَ آئی ءِ
ھیچان ءِ کلات ءِ نزیک ءَ کوھن ءُ کدیمی امبے ھست کہ ھرکس ھیچان ءِ بادشاہ بوتگ اے امب بادشاہ ءِ بوتگ ,بزاں سرکاری امبے بوتگ . اے امب دنیگا ھست انت .امبِ ءِ پلّ کنوک ءُ سمبالوک رئیس بوتگ انت . منی پت جیھل ءَ گوشت امب رستگ ات ءُ گوادنزے بوتگ ات ءُ لھتے امب گوادنزءَ دور داتگ ات . من امب چت انت ءُ وتی لوگ ءَ برت انت کہ آ سال ءَ منی کٹم ءَ امب پلّ کتگ ات . منی پت یلی ءَ من ءَ گوشت او جیھُک عیسی خان ءِ سّڈ ءِ سرات زرتگ , امب ات چتگ ءُ آورتگ انت , ھما عیسی خان کہ آھرّانیانی شلواراں گربگ مان کتگ ,. ھما عیسیخان کہ کُلی ءِ دست پاد ءُ زبان بُرتّنت ءُ شگیمی ھمے ھیچان ءِ کلات ءَ داوت دات ءُ کشت انت .
من پسہ دات منی پت ھرچی بیت بلیّ بیت نوں ھبر چہ ھلوت ءَ گوستگ , اے منی بھر بوتگ انت کہ من چتگ ءُ آووتگ انت بیا وتی دپ ءَ شیرکن کن ءُ واجہ پہ چار دانگ امب ءَ من ءَ نکشیت. باز دیر نگوستگ ات کہ باد شاہ ءِ سپاھیگ یارُک گوں دراجیں تپنگ ءَ زاھر بوت ءُگوشت جیھل ترا کلات ءَ لوٹ انت
من ءُ یارُک کلات ءَ سربوتیں , کلات ءِ بُرجُک ءَ واجہ ءِ دیوان ات . من سلام دات , منی علیک نگپت . من کرّے ءَ نشتاں . واجہءِ بروت کانٹ اتنت ءُ چپ ءُ راست ءَ سر سرینتگ ءُتاب داتگ ات . من وتی دل ءَ گوشت جیھل اگاں مرد بئے یا بگا آپ ءَ ترا برتگ. دمانے ءَ رند واجہ ءَ منی نیمگ ءَ چارت ءُ گوشت ; جیھل . من پسہ دات جی واجہ
جیھل ترا امب وشّ بیت؟ من پسہ ھو من ءَ امب وشّ بیت. جیھل ترا امب وشّ بیت ؟ من پدا پسہ دات من ءَ امب سّک وشّ بیت . سیمی رندا جست کت جیھل ترا امب وشّ بیت ؟ من پسہ دات ھو من ءَ امب وشّ بیت .گوشت ئے بگرات بدرنجت ئے . احمد شاہ کشیگی کہ آئی ءِ پوج ءِ کمانڈر ات ءُ ھما دیوان ءَ نشتگ ات ءُ منی گھارءِ سانگ کتگ ات پسہ دات : واجہ پسے نہ انت کہ درنج ئے . ملام ئے بکن . واجہءَ گوشت تو گوشئے ملام , یک ھزار کُرش ملام انت
من پاداتکاں ءُ لوگ ءَشتاں .ایدگہ سھب ءَ یارُک ءَ تپنگ زمین ءَ جت ءُ مئی لوگ ءِ دپ ءَ نشت ءُ دانکہ سے روچ ءَ یکھزار کُرش. وھدیکہ روچ نشت ءُ یارک شت ما سجئیں سے شپ ءَ توشگ نا ءُ دانے ھست ات ھراں لڈّ ات انت ءُ کورکان ءِ کڈّاں ایر کت انت ءُ سیمی روچ ءِ بیگاہ ءَ گوں یارک ءَ گوشت باندات ھزار کرش ءَ کاراں . وھدیکہ یارک ءَ پشت مان دات من گوں وتی کٹم ءَ دیم پہ بِنت ءَ سرگپتیں .ءُ بنت ءِ بادشاہ ایوب خان ءِ میار بوتیں . ایوب خان ءَ مارا وشاتک گوشت لوگ ءُ جاگہ دات ءُ ورد ءُ وراک ءِ بند ءُ بست . ایوب ءَ گوشت عیسی خان شمارا نیم چمّی چارت نکنت. من ءَ ایوب خان مَگش ات ,من ایوباں . مدتّے ءَ رند عیسی خان ءَ ھیچانی کماش دیم دات انت ءُ مااش پدا ھیچان ءَ آورت ءُ ما ھزار کرش ندات
عیسی خان چونکا ھیچان ءِ بادشاہ بوت ؟
پیش چہ عیسی خان ءَ ھیچان ءِ بادشاہ مدد خان شیرانی ات . عیسی خان ءَ آئی ءِ گھار بیبی گراناز ءِ سانگ کتگ ات . مدد خان بے رندے ات . گزابیک رئیسی ءِ ناکوگ ھدامرزیں میا احمد شاہ ءَ کشہ کت. ھیچان ءَ وباہ ءِ نادراھی کپت . مدد خان یکے ءِ پرس ءَ شت . وھدیکہ کلات ءَ واتر بوت وباہ ءُ لاپرچ ءَ گپت . عیسی خان ءَ کشیگی ذوالفقار دیم دات کہ بچاریت مرگی انت یانہ . ذولفقار ءَ چارت ءُ آتک ءُ گوشت مرگ ءِ نشانی زاھر آنت . عیسی خان گوں ذولفقار ءَ مدد خان ءِ چارگ ءَ شت انت . مدد خان ءَ وت ءَ ڈڈّ پیش داشت ءُ چانکوٹ جت . آ پادآتک انت کہ نادراھی آیان ءَ مگریت . عیسی خان ءَ گوں ذولفقار ءَ گوشت مردک مرگی نہ انت . رواں کُشان ئی ءُ کلات ءَ گراں . ذولفقار ءَ پسہ دات وت ءَ بنّام مکن مردِ مریت . دیر نگوست زار چست بوت انت
احمد خان ءَ وتی برات پہ قبر کنگ ءَ گھ ءَ برت . عیسی حان ءَ مدد حان ءِ ازباب ءُ سامان چہ کلات ءِ سرءَ کور ءَ دور دات انت ءُ کلات گپت. حسین خان ءَ وتی برات احمد خان نہرّاں مان بست کہ کلات ات ھشتگ ءُ برات ءِ جون بڈّ ءَ جتگ ءُ آورتگ .اشتاپ بکن برو . عیسی خان ءَ ذولفقار پیرکھور ءَ دیم دات ءُ گوشت اگاں دیم ءَ بکنزئے کشان ات ........ احمد خان پدا گہ ءَ واتر بوت ... گڈ سر ءَ ھیچان ءَ جنگ مچّ ات .....کسہ دراج انت من وتی کتاب( منی ھیچان ءَ) نبیستگ ..باریں کدی چاپ بیت
دلگوش: ذولفقار ءَ گزابیکءِ ترو گوھر خاتون ءِ سانگ کتگ ات کہ انگت ءَ زندگ انت کہ منی پیرک یلی ءِ گھارزھت انت . ءُ احمد شاہ ءَ منی ترو گراناز ءِ سانگ کتگ ات کہ آ ھم انگت ءَ زندگ انت ءُ رند چہ احمد شاہ ءِ مرگ ءَ مھتی قادر بکش میران ءَ آئی ءِ
سانگ کت
٢۴نومبر ٢٠٠٩
٢۴نومبر ٢٠٠٩
علی رئیسی
No comments:
Post a Comment