Long live free and united Balochistan

Long live free and united Balochistan

Search This Blog

Translate

بلوچستــان ءِ پـُـلـّـیـں شهیــدان ءَ هــزاراں ســلام

بلوچستــان چـه وتــی مزاریـں پسگـــانی زگـریں هوناں سـُهــرانت. دزآپ (زاهدان) ءُ شال ( کویٹه) ءِ جاور ءُ هال مروچاں میاں استمانی میڈیاے ءِ هاس تریں هال اَنــت.
ماں دزآپ ءَ بلوچ سرمچاراں شهید عبدالباسط جان ریگی ءُ پلیں شهید محمد جان ریگی، ڈًنــّی رستران ءُ ایران ءِ مافیایی پاسداران ءَ هما درس دات که هونواریں خامنه ای ءِ پـُردوتیــں ریش ماں تهران ءَ جکست ءُ آیی ءِ جـِنــد چـه کـُوچـَنــڈگ ءَ پـَـچ درهــِت!.

بلوچ ءُ بلوچستان ءِ دژمن جـُـڈالیـں خامنه ای ءُ تهران ءِ فاشیست ءُ انسان دژمنیــں حکومتی سروکاں باور بوتگ اَت که بلوچستان ءِ جنبش گوں مزاربیمیں شهید عبدالمالک ءِ پاهو دیگ ءَ هـلاس بوت، بلئے بلوچستان ءِ جانفدائیــں بچ گوں وتــی ندر کنگ ءُ شهادت ءَ پیش داشت که اگاں چے سرمچار عبدالمالک ءِ شهادت بلوچستان ءِ مردمی جنبش بزان جندالله تاوانبارکرت بلئے بلوچستان ءِ حک لوٹی ءِ تـوارسست نه بوتگ.

جنبش ءِ سرمچارانی رِدان مروچی بزتــر بوتگنت، شهید محمد ( جنیــد) ءُ شهید عبدالباسط ( اسلام) ءِ پیمیــں سرمچار که گوں پـُـلـّـیـں بچکندگ ءُ آسنی ایمان، په بلوچ کوم ءِ حکان ءُ بلوچستان ءِ آزاتی ءَ
وتی تنگویں زند ءُ جاناں ندریگ کننت ءُ بلوچستان ءِ راجدپتر ( تاریخ) ءَ گوں وتی زگریں هوناں نبیســگ ءَ اَنت.
 
بلوچستان ءِ سرمچاراں ماں دزآپ ءَ کامیاب بوتنت تنکه وت ءَ را دژمـن ءِ لشکرءُ سپاه ءِ میانجین ءَ سر کننت ءُ رندا دگنیا سهی بوت که بلــوچ ءُ بلــوچستان زندگ انت ءُ بلـوچستان ءِ سرمچاراں په بلوچ ءُ بلوچستان ءِ هاترا چه مرک ءَ هچ ترس ءُ بیمــے نیست انت.
.
تهران ءِ مافیایی سروکان ءُ رستریں سپاه ءُ حکومتی ڈنــی سروکاں چوش که شهریاری ( زابلی یانی مستر)، سلیمانی ( خامنه ای ءِ نمائنده ماں دزآپ)، علی محمد ( گورنر) ءُ نورا ماں بلوچ گلزمین ءَ هنچو هیران ءُ هبکــه انت که نه زاننت چـے بگوشنت ءُ چونکا گپ به کننت!
چه یک نیمگــے هر کس په دیمے ءُ وتـی جهالت ءِ بنیاد ءَ یک چیزے گوں حکومتی میڈیاے ءَ گاجائیل کنت ءُ کوشست کنگاینت که بلوچ دژمنیں سپاه ءِ تاوان ءَ کم پیش بدارنت
چه دگه نیمگـے کوکار ءُ سلوات کنگاینت که بلوچ سرمچاران " تروریست" انت، انگریز ءُ امریکه ءِ مردم انت، وهابی انت، القاعده ءِ همدست انت، اشرار انت ءُ دگه باز چپ ءُ چوٹیں بهتاماں جننت.
 
اگاں چے ایران ءِ حکومتی سروکاں که وت دگنیاے ءِ مستریں تروریست انت ءُ ایران ءِ حکومت ءِ هشتاد سالیگیـں رستری کارکـرد ماں بلوچ گلزمین ءَ هاله ئیں تروریزم ءِ پدریں درورے انت بلئے گـوں وڑوڑیں پنـدل ءُ دروگ زور پر دینت که بلوچستان ءِ نیکراهی ـ راجـی جنبش ءَ " تروریسم" پیش بدارنت.
حال آنکه بلوچ ءُ بلوچ سرمچاراں په وتی کوم ءُ سرزمین ءَ جد ءُ جهد کنگاینت ءُ ایران ءِ دولتی تروریزم ءِ هلاپ ءَ پادآتکگنت.
تهران ءِ فاشیستی حکومت وَ مئے تاریخی ءُ هونی دژمن انت. آ مئے ملک زوربرد کنگاینت آهانی تبلیغ ءُ جاک ءُ سلوات په مـا ءُ دگنیاے ءِ آزاتی پسندیں مهلوک بے ارزش انت بلئے.
لهتیں درانڈیه ءُ ناسرپدیں مچی ءُ گروپ که ایران پرست اَنت په وتی مـنّ ءَ ایران ءِ حکومت ءِ هلاپ انت

حکومت ءِ تبلیغاتی دام ءَ کپتگ انت

آهاں تهران ءِ حکومتی هبر ءُ تبلیغ که بلوچ دژمن ءُ مذهبی ـ فاشیستی انت گاجائیل کننت ءُ بلوچستان ءِ سرمچاراں " تروریزم " ءِ بهتام جننت
 
مروچی بلوچ زانتکار ءُ سیاسی کـومــی جهدکاراں که ڈن چه بلوچستان ءَ هاسکارماں یوروپی مـُلکـاں جاهمنند انت مزنیں راجی اگده ءُ ذمــه اے هست انت که ایران ءُ پاکستان ءِ تروریستی دولتانی بلوچ دژمنیں تبلیغات ءَ ماں میاں استمانی میڈیا بے جواب مئیل اَنت

دگنیاے ءَ گـوں برزیں توارے بگوشنت که بلوچ په وتـی انسانی حکانی گـِرَگ ءُ وت مستـری ءُ په

وتی مـُلک ءِ آزاتـی ءِ هاترا پاد آتکگ اَنت ، پاکستان ءُ ایران ءِ حکومتانی زالمی کارکرد ماں بلوچستان ءَ "دولتی تروریزم" انت ءُ تهران ءُ اسلام آباد بین المللی "تروریزم" ءِ بـُندر ءُ بـُنزه اَنت

مزاربیمیں سرمچارشهید عبدالباسط ریگی ءُ پلیـں سرمچار شهید محمد ریگی ءَ سهریں ســلام

پروشــت ءُ پــروش بات اَنت ایران ءُ پاکستـان

آزات ءُ آباد بات گنجیــں بلوچستــان

Source: Pahra

No comments:

Post a Comment