مولاناءَ أگر وتی دپ و ھمراھانءِ گوش بُنا شھمات ورگی أت، گڈا تھران روگءِ ضرورت نہ أت۔ ماں وتی لوگءِ دپا نندارینتگیں مکارم شیرازیءِ سنگتانءِ دیما راستیں گپے بہ کتین أت، گجران وتی کار کتگ أت۔
گوستگیں روچان مغربی بلوچستانءِ سانڈین سنی عالم مولانا عبدالحمید إسماعیلزئیءَ وتی ھمسنت ھمراہ کت أنت و تھران شت۔ اودا گوں سانڈیں شیعہ عالم آیت اللہ مکارم شیرازی ملاقات إش کت۔ گِدارءِ مقصد ماں بلوچستان سنـّی مدرسواں سرکاری واکانءِ سرکشـّیا دیگءِ قانونءِ خلافا گپ کنگ أت و شہ آیت اللہ مکارم دستبندی کنگ أت کہ إے ردا وتی شیعہ سرکارا بہ منـّينیت۔
ھمے گدارءِ ویڈیو شنگ بیتگ۔ ویڈیوءَ أولا مولانا عبدالحمید وتی دلءِ درداں درشان کنگا إنت۔ ألبت درد کمتر و وتی إیران دوستیا ثابت کنگءِ جھد گيئشتر بیگا إنت۔ ھر پنچ گالانءِ تها چار گال مولویءَ إیرانءِ سرا سنیانءِ قربان کنگا درشان کت أنت۔
مولانا عبدالحمیدءِ إیوکیں پریات ھمیش أت کہ آئیءِ مدرسواں وانوکیں درملکی 'طلاب' إجازت دیگ بہ بنت تانکہ وتی وانگاں سرجم بہ کن أنت۔ مولاناءِ فرمان أت کہ إے طالب أفغانستانی و تاجکستانی أنت۔ بہ قول آئی 'أفغان و تاجک أنت'۔
مولاناءَ پریات کت کہ واکدار لوٹگا أنت کہ بے پاس و ویزاءَ إیرانءَ آتکگ و وانگا گولائیشیں وانوک شہ مدرسواں در کنگ، و آوانءِ وتی ملکاں راہ دیگ مہ بنت۔ أگر إے وانوک ھنی پدا راہ دیگ بہ بنت، وانگ إش نیم بندگ إبنت و وتی ملکاں روگا پد ألکاپیا إسلامءَ خدمتگزاری کت نہ کن أنت!
آئیا سرکچ دات کہ ھنون ھمے ھزار و کپـّے درملکی کہ وانگا أنت، أجازت دیگ بہ بنت۔ چدا پد ھرچے کہ واکدار گــُش أنت، آ کنگا اوشتاتگ أنت۔
مولاناءِ پسـّوا مکارمءِ تران گوَنڈتر بلے شہ راستیاں سر ریچ أت۔ و آئیءِ ھر گال مولانا عبدالحمیدءِ دپا وآئیءِ ھمراھانءِ گوش بنا شھماتےءِ وڑا أت۔ پمیشا روا بیت أگر مردم بہ گشیت کہ پہ شھماتءِ وَرَگا تھرانءَ روگ ضروری نہ أت۔ پہ تاجک و أفغاناں آسراتی لوٹگءِ بدلا پہ بلوچاں ھمدا زاھدانءِ تھا لوٹے بہ کتین إش، گجرانءِ ھمے ضرورت پورہ کنگ بیتگ أت۔
آیت أللہ مکارمءَ مولوی ترانگ دات کہ سنـّی ھر نیمگا سر بُرّگا أنت۔ ھمے سر برّگءِ درس سعودیءِ مدرسواں ھم دیگ إبیت۔ پمیشا واکدار إیرانءِ سنی مدرسواں چارگ وارگ کن أنت، تانکہ دلجم بہ بنت کہ اودا سر بُرّگ و شیعواں کشگءِ کارکردا ثواب لیکگءِ درس دیگ نہ بیگا أنت۔
آئیا سرکچ دات کہ ھمے سنـّیانءِ لھتے کتاب ماں پاکستان شنگ بیگا أنت کہ اودا تچکا تچک گشگ بیگا إنت کہ شیعواں کشگ و آواں مِلکتا آوار جنگا أجر ھست إنت۔ پرچاکہ آ مردگ و یا قبر پرست أنت۔
مکارمءَ قرانءِ داتگیں سوجانءِ حوالہ دات و گشت کہ قران ھم گشیت کہ مسلمان یک ملکےءَ کہ نندوک أنت، باید آئیءِ إنتظامیہءِ راھبنداں رندگیری بہ کن أنت۔ پمیشا بے پاس و ویزا إیرانءَ آتکگیں مردماں وانگءِ إجازتا دیگءِ سفارشا کنگءِ اُمیدا مولانا شہ آئیا مہ کنت۔
آئیا درآئینت کہ سعودی، مصر و عراقءَ درملکی وانوک وانگا أنت، ألبت پھکاں پاس و ویزا گپتگ۔ ھمے ملکانءِ وڑا إیران ھم یک ملکے إنت و إدا ھم وانوکاں ضروری کاگد گون بیگ لوٹ أنت۔
آیت اللہ مکارمءِ خبر إدا نہ کٹ إتنت۔ آئیا وتی دپتر چارتگ و کوھنیں خبر ئی درگپت إتنت۔ ھمے خبر ئی مولویءِ دپا جت أنت۔ أگر بلوچی نیوزءَ شنگ بیتگیں کوَھنیں حال چارگ بہ بنت، گڈا گندگ إبیت کہ دو سال ساری مولانا عبدالحمیدءَ ماں زاھدان گشتگ أت کہ 'أولاد کمتر مہ بنت، ألبت صالحتر بہ بنت'۔ مولاناءَ آ خبر إیرانی سرکارءِ سوجانءِ خلافا گشتگ أت۔ پرچاکہ إیرانءِ سرکار کم چک آرگءِ درسا دیگا إنت۔
ھمے خبر مکارم شیرازیءَ ظاھر کت و درائینت ئی کہ بلوچستانءَ سنـّی سوج دیگ بیگا أنت کہ باز چک بیار أنت تانکہ شیعوانءِ دیما آوانءِ مردمی آبادی باز بہ بیت!
پدا گيئش ئی کت کہ وھابی یا سنی سوج دیگ بیگا أنت کہ زمین و جاگہ خرید بہ کن أنت، تانکہ پہ شیعواں زمین نز آرگ بہ بیت و آ تـَچَگا مجبور بہ بنت۔ بزاں إنچو پندل شیعوانءِ خلافا سنی سازگا أنت و أنگت اُمید کن إت کہ ما وتی واکداراں شمئے سرا رحم کنگءِ سوجا بہ دییں!
پدا 18 آگست 2009ءَ پیشن جانفدا بیڑءِ نام آیت اللہ مکارمءَ ظاھر کت۔ آئیا گشت کہ إے کارکردا سرجمیں إیران جکسینتگ۔ پمیشا نیں واکدار مجبور أنت کہ کٹریں لیکوانءِ دیما بہ دار أنت۔ ھمے کیلہ ماں سنـّی مدرسواں درس دیگ بیگا أنت۔ تاں آ وھدا کہ مدرسواں واکدار چارگ وارگ مہ کن أنت و اودا درس دیگ بیتگیں کتاباں مہ چار أنت؛ زانگ نہ بیت کہ آوانءِ تھا شیعوانءِ خلافا چنچو زھرشانی بیت۔
آیت اللہ مکارم شیرازیءِ خبر میان اُستمانی نفسیاتا گوں ھمرد إتنت و وتی سرگالءِ علمءِ قالبا بروبریا کپگا إتنت۔ آئیا دنیاءِ دیما پدّر کت کہ شیعہ مسلمان إسلامی دنیاءَ أمن برجاہ دارگءِ إیوکیں اُمید أنت و آوانءِ نظر گوں نوکیں دھرءِ ضرورتاں ھمرد أنت۔
چؤش کہ کم چک آرگ، سر نہ برّگ، ٹرورزمءِ خلافا اوشتگ و ھَنکینیں ملکانءِ قانونانءِ ھمردیا زند گوازینگءِ درس دیوک أنت۔ إیشیءِ چپ سنی کوھنیں خیالانءِ مردم أنت۔ آ باز چک آرگءِ سِکینا دی أنت، آ مردمءِ سرا بُرّ أنت، وتی ھنکینیں ملکانءِ قانوناں رندگیری کنگءِ بدلا ھما ملکانءِ تھا شرعی نظام آرگءِ لوٹا کن أنت۔
وتی گپانءِ تھا آیت اللہ مکارمءَ مغربی ملکانءِ مثال ھم دات و گشت کہ ھمے کٹریں لیکوانءِ درس دیوکاں آنگری مردمانءِ دیما إسلام بدنام کتگ۔
صد خبرا یک خبر أگر مولانا عبدالحمید وتی إیرانیءِ بیگا شیعوانءِ دیما ثابت کنگ و إسلامءِ سربلندیا جھد کنگا واھوک إنت، گڈا مکارم شیرازیءِ کِشگا رندگیری بہ کنت۔ ألبت أگر مولانا صاحب ماں بلوچستان شیعہءِ پوشاکا پوشتگیں فارس شاؤنزمءِ خلافا توجیلے کنگا واھوک إنت، گڈا مدرسوانءِ دروازگاں بہ بندیت و دنیاءِ دیما بلوچءِ سرا بیتگیں زوراکیانءِ ظاھر کنگءِ درسا دیگ بندات بہ کنت۔
إے پڑا بیت کنت کہ آئیا یعقوب مھرنھادءِ وڑا لوپے گٹا بہ دی أنت و آئیءِ پاکستانی سنگت مولانا فضل الرحمان ترمپے أرس ھم مہ ریچیت۔ ألبت بلوچ تاریخءِ تھا آئی أبدمان إبیت۔ بزاں ھر وھد کہ پہ وتی قوما جھد کنوکیں بلوچ مولویانءِ نام گرگ إبیت، گڈا مولوی خیرمحمد و مولوی عبداللہ پیشنیء کشا عبدالحمید إسماعیلزئی نبیسگ إبیت۔
۔
اودا کہ پاکستانی ملا فضل الرحمانءِ أرسانءِ خبر إنت، إے ضمانتا ھم کس دات نہ کنت کہ سنـّی بیگءِ ناما أگر إسماعیلزئیءَ بہ درنج أنت و آ ترمپے إرس بہ ریچیت!
گوستگیں روچان مغربی بلوچستانءِ سانڈین سنی عالم مولانا عبدالحمید إسماعیلزئیءَ وتی ھمسنت ھمراہ کت أنت و تھران شت۔ اودا گوں سانڈیں شیعہ عالم آیت اللہ مکارم شیرازی ملاقات إش کت۔ گِدارءِ مقصد ماں بلوچستان سنـّی مدرسواں سرکاری واکانءِ سرکشـّیا دیگءِ قانونءِ خلافا گپ کنگ أت و شہ آیت اللہ مکارم دستبندی کنگ أت کہ إے ردا وتی شیعہ سرکارا بہ منـّينیت۔
ھمے گدارءِ ویڈیو شنگ بیتگ۔ ویڈیوءَ أولا مولانا عبدالحمید وتی دلءِ درداں درشان کنگا إنت۔ ألبت درد کمتر و وتی إیران دوستیا ثابت کنگءِ جھد گيئشتر بیگا إنت۔ ھر پنچ گالانءِ تها چار گال مولویءَ إیرانءِ سرا سنیانءِ قربان کنگا درشان کت أنت۔
مولانا عبدالحمیدءِ إیوکیں پریات ھمیش أت کہ آئیءِ مدرسواں وانوکیں درملکی 'طلاب' إجازت دیگ بہ بنت تانکہ وتی وانگاں سرجم بہ کن أنت۔ مولاناءِ فرمان أت کہ إے طالب أفغانستانی و تاجکستانی أنت۔ بہ قول آئی 'أفغان و تاجک أنت'۔
مولاناءَ پریات کت کہ واکدار لوٹگا أنت کہ بے پاس و ویزاءَ إیرانءَ آتکگ و وانگا گولائیشیں وانوک شہ مدرسواں در کنگ، و آوانءِ وتی ملکاں راہ دیگ مہ بنت۔ أگر إے وانوک ھنی پدا راہ دیگ بہ بنت، وانگ إش نیم بندگ إبنت و وتی ملکاں روگا پد ألکاپیا إسلامءَ خدمتگزاری کت نہ کن أنت!
آئیا سرکچ دات کہ ھنون ھمے ھزار و کپـّے درملکی کہ وانگا أنت، أجازت دیگ بہ بنت۔ چدا پد ھرچے کہ واکدار گــُش أنت، آ کنگا اوشتاتگ أنت۔
مولاناءِ پسـّوا مکارمءِ تران گوَنڈتر بلے شہ راستیاں سر ریچ أت۔ و آئیءِ ھر گال مولانا عبدالحمیدءِ دپا وآئیءِ ھمراھانءِ گوش بنا شھماتےءِ وڑا أت۔ پمیشا روا بیت أگر مردم بہ گشیت کہ پہ شھماتءِ وَرَگا تھرانءَ روگ ضروری نہ أت۔ پہ تاجک و أفغاناں آسراتی لوٹگءِ بدلا پہ بلوچاں ھمدا زاھدانءِ تھا لوٹے بہ کتین إش، گجرانءِ ھمے ضرورت پورہ کنگ بیتگ أت۔
آیت أللہ مکارمءَ مولوی ترانگ دات کہ سنـّی ھر نیمگا سر بُرّگا أنت۔ ھمے سر برّگءِ درس سعودیءِ مدرسواں ھم دیگ إبیت۔ پمیشا واکدار إیرانءِ سنی مدرسواں چارگ وارگ کن أنت، تانکہ دلجم بہ بنت کہ اودا سر بُرّگ و شیعواں کشگءِ کارکردا ثواب لیکگءِ درس دیگ نہ بیگا أنت۔
آئیا سرکچ دات کہ ھمے سنـّیانءِ لھتے کتاب ماں پاکستان شنگ بیگا أنت کہ اودا تچکا تچک گشگ بیگا إنت کہ شیعواں کشگ و آواں مِلکتا آوار جنگا أجر ھست إنت۔ پرچاکہ آ مردگ و یا قبر پرست أنت۔
مکارمءَ قرانءِ داتگیں سوجانءِ حوالہ دات و گشت کہ قران ھم گشیت کہ مسلمان یک ملکےءَ کہ نندوک أنت، باید آئیءِ إنتظامیہءِ راھبنداں رندگیری بہ کن أنت۔ پمیشا بے پاس و ویزا إیرانءَ آتکگیں مردماں وانگءِ إجازتا دیگءِ سفارشا کنگءِ اُمیدا مولانا شہ آئیا مہ کنت۔
آئیا درآئینت کہ سعودی، مصر و عراقءَ درملکی وانوک وانگا أنت، ألبت پھکاں پاس و ویزا گپتگ۔ ھمے ملکانءِ وڑا إیران ھم یک ملکے إنت و إدا ھم وانوکاں ضروری کاگد گون بیگ لوٹ أنت۔
آیت اللہ مکارمءِ خبر إدا نہ کٹ إتنت۔ آئیا وتی دپتر چارتگ و کوھنیں خبر ئی درگپت إتنت۔ ھمے خبر ئی مولویءِ دپا جت أنت۔ أگر بلوچی نیوزءَ شنگ بیتگیں کوَھنیں حال چارگ بہ بنت، گڈا گندگ إبیت کہ دو سال ساری مولانا عبدالحمیدءَ ماں زاھدان گشتگ أت کہ 'أولاد کمتر مہ بنت، ألبت صالحتر بہ بنت'۔ مولاناءَ آ خبر إیرانی سرکارءِ سوجانءِ خلافا گشتگ أت۔ پرچاکہ إیرانءِ سرکار کم چک آرگءِ درسا دیگا إنت۔
ھمے خبر مکارم شیرازیءَ ظاھر کت و درائینت ئی کہ بلوچستانءَ سنـّی سوج دیگ بیگا أنت کہ باز چک بیار أنت تانکہ شیعوانءِ دیما آوانءِ مردمی آبادی باز بہ بیت!
پدا گيئش ئی کت کہ وھابی یا سنی سوج دیگ بیگا أنت کہ زمین و جاگہ خرید بہ کن أنت، تانکہ پہ شیعواں زمین نز آرگ بہ بیت و آ تـَچَگا مجبور بہ بنت۔ بزاں إنچو پندل شیعوانءِ خلافا سنی سازگا أنت و أنگت اُمید کن إت کہ ما وتی واکداراں شمئے سرا رحم کنگءِ سوجا بہ دییں!
پدا 18 آگست 2009ءَ پیشن جانفدا بیڑءِ نام آیت اللہ مکارمءَ ظاھر کت۔ آئیا گشت کہ إے کارکردا سرجمیں إیران جکسینتگ۔ پمیشا نیں واکدار مجبور أنت کہ کٹریں لیکوانءِ دیما بہ دار أنت۔ ھمے کیلہ ماں سنـّی مدرسواں درس دیگ بیگا أنت۔ تاں آ وھدا کہ مدرسواں واکدار چارگ وارگ مہ کن أنت و اودا درس دیگ بیتگیں کتاباں مہ چار أنت؛ زانگ نہ بیت کہ آوانءِ تھا شیعوانءِ خلافا چنچو زھرشانی بیت۔
آیت اللہ مکارم شیرازیءِ خبر میان اُستمانی نفسیاتا گوں ھمرد إتنت و وتی سرگالءِ علمءِ قالبا بروبریا کپگا إتنت۔ آئیا دنیاءِ دیما پدّر کت کہ شیعہ مسلمان إسلامی دنیاءَ أمن برجاہ دارگءِ إیوکیں اُمید أنت و آوانءِ نظر گوں نوکیں دھرءِ ضرورتاں ھمرد أنت۔
چؤش کہ کم چک آرگ، سر نہ برّگ، ٹرورزمءِ خلافا اوشتگ و ھَنکینیں ملکانءِ قانونانءِ ھمردیا زند گوازینگءِ درس دیوک أنت۔ إیشیءِ چپ سنی کوھنیں خیالانءِ مردم أنت۔ آ باز چک آرگءِ سِکینا دی أنت، آ مردمءِ سرا بُرّ أنت، وتی ھنکینیں ملکانءِ قانوناں رندگیری کنگءِ بدلا ھما ملکانءِ تھا شرعی نظام آرگءِ لوٹا کن أنت۔
وتی گپانءِ تھا آیت اللہ مکارمءَ مغربی ملکانءِ مثال ھم دات و گشت کہ ھمے کٹریں لیکوانءِ درس دیوکاں آنگری مردمانءِ دیما إسلام بدنام کتگ۔
صد خبرا یک خبر أگر مولانا عبدالحمید وتی إیرانیءِ بیگا شیعوانءِ دیما ثابت کنگ و إسلامءِ سربلندیا جھد کنگا واھوک إنت، گڈا مکارم شیرازیءِ کِشگا رندگیری بہ کنت۔ ألبت أگر مولانا صاحب ماں بلوچستان شیعہءِ پوشاکا پوشتگیں فارس شاؤنزمءِ خلافا توجیلے کنگا واھوک إنت، گڈا مدرسوانءِ دروازگاں بہ بندیت و دنیاءِ دیما بلوچءِ سرا بیتگیں زوراکیانءِ ظاھر کنگءِ درسا دیگ بندات بہ کنت۔
إے پڑا بیت کنت کہ آئیا یعقوب مھرنھادءِ وڑا لوپے گٹا بہ دی أنت و آئیءِ پاکستانی سنگت مولانا فضل الرحمان ترمپے أرس ھم مہ ریچیت۔ ألبت بلوچ تاریخءِ تھا آئی أبدمان إبیت۔ بزاں ھر وھد کہ پہ وتی قوما جھد کنوکیں بلوچ مولویانءِ نام گرگ إبیت، گڈا مولوی خیرمحمد و مولوی عبداللہ پیشنیء کشا عبدالحمید إسماعیلزئی نبیسگ إبیت۔
۔
اودا کہ پاکستانی ملا فضل الرحمانءِ أرسانءِ خبر إنت، إے ضمانتا ھم کس دات نہ کنت کہ سنـّی بیگءِ ناما أگر إسماعیلزئیءَ بہ درنج أنت و آ ترمپے إرس بہ ریچیت!
Source: www.balochinews.com
No comments:
Post a Comment