پرســـی ديـــوان په نميرانيــں استــاد شهيــــد پروفيســرصبـــا دشتيـــاری ءَ

امبـريگيـــں جـون ءِ اولـی روچ يـک تهاريـــں روچــے ءِ هسـاب ءَ مـاں بلوچستان راجدپتـر ( تاريخ ) ءَ نبيســگ بـوت. پاکستـان ءِ بلــوچ دژمنيــں واکدار هنچــو چه استاد صبــا دشتيــاری ءُ آييءِ زانت ءُ زانتکاری ءَ بيمـے ماں وجــود ءَ کپتگ اَت که گـوں بزدلـی ، استــاد ءِ گــٹ تروس کنــگ ءُ کشــگ ءِ پيسله اش کــرت ءُ وتی رستريــں چاروگ اش پرمايئنـت تا بلوچستان ءِ زانت ءُ زانتکاریءِ برزيـں استار ءَ چه ترپگ ءَ مهــن بکننت

اگاں چه شهيـد پروفيسر صبــا دشتيــاری بلوچستــان زانتجــاه ءِ بے درويـں استــاد ءُ بلوچستــان ءِ مزن نـدکـار ءُ سياسـی رهدربـر چـه بلـوچ راج ءَ پچ گرگ بـوت بلئے آ شهيـد ءِ راجی کارکـرد ءُ ادبی چسـت ءُ ائيـر، ندکاری ءُ بلوچی شائــری، پـٹ لـوٹ ءُ شوهازکاری په بلوچ ءُ بلوچستــان ءَ کيمتــی ءُ ابدمانيــں ميراس انـت. سيد هاشمی ريفرنـس کتابجـاه ماں کراچی ءَ گـوں هزاران نــزآورتگيـں کتاب ءُ سياهــگ بلوچستــان ءِ شهيــد ءِ ترپناکيــں هستـی ءُ ابدمانـی ءِ نشــان انت.

شهيد صبا دشتيــاری ءِ شهـادت پيش داريـــت که بلوچستان ءِ جاهل ءُ رستريــں دژمن سک نزورانــت. اے نزوری ءِ سوب ءَ په روچ ءُ رژنايی ءِ کشگ ءَ .لانک اش بستگ

بلــوچ ءُ بلوچســتان ءِ بے زانگيـں دژمناں زانگی انــت کـه شهيدانــی زگريـں هونانــی برکــت ءَ بلوچستــان ءِ آجويــی ءِ کاروان ديم په آهــری منــزل ءَ روان انــت. آ جاهـــلاں زانگ .لوٹيـت که گـوں راجی رهدربرانی شهادت ء بلوچستان ءِ راجی جنــزهچبــر نه اوشتيت

ما ديوان ءِ نشتگيـــں مردم وتی دلپدردی ءَ چـه بلوچ ورناهانی شهادت ءَ درشان کنيـن ءُ جار جنگ لوٹيـــں کـه زانت ءِ شهموکيـں استـار، پروفيســر دشتيــاری ءِ شهــادت ما را سوگيـگ ءُ باز پـدرد کـرت . مـا بــزاں نروژ ءِ جاهمننديــں بلوچ پنجاپ ءِ هونواريـں پئــوج، رستريــں آی.اس.آی ءُ آدگــه اداره يانــی بلــوچ

کشــی ءَ په زپتــی ءَ ايرجنيــں