بلوچی حال : بلوچستــــان ءِ پليــــں شهيــــدان ءَ هــــزاراں ســــلام

پروفيســرصبــــا دشتيــــاری بلوچستــــان ءِ راجـدوستيـــــں شهزانــــت ءُ بلوچــــی زبان ءِ مــزن ندکــار ءُ شهديـــں بلوچــــی ادب ءِ کلانيــں استـــــاد جون ءِ اولـی روچ مــــاں شـال ءَ رستريں دژمنانــی تيرانـی آماچ بـــوت. راجـی شهزانــت شهيـد صبـــا دشتيـــاری گـوں بلوچستـــان ءِ آزاتی ءِ بـيــرک ءِ بـرتر کنـــگ ءَ جارپرينـت که پوره ئيـں وت مستـــری ءُ بلوچستـــان ءِ آزاتی بلــــوچ راج ءِ واهـگ ءُ هــَکّ انت. په همـے هاتـــرا هونواريــں پاکستانی واکـــداراں وتی رستـــری کينگاں آيـــی ءِ سرا درشـــان کرتنـــت ءُ بلوچستـــان شهـدربرجـــاه (دانشگـــاه) ءِ بـے دروريــــں شهزانــت ءُ زانتکــاری ءِ استــاد اِش گـــٹ تروس کــرت. شهيـــد صبا دشتيـــاری وتی کيمتــی ســـاه ءُ جــان په بلــوچ ءُ بلوچستــان ءَ ندريــگ کــت ءُ گــوں وتــی زگريـــں هـوناں بلوچستــان ءِ آزاتی ءِ بيــرک ءَ سهرتــر کـــرت ءُ راج ءِ هـــزاراں شهيدانــی کاروان ءَ هـــور بـــوت.

چــه تهـــران ءِ اوين بنديجــاه ءَ بـے گناهيـں بلوچ ورنا عبدالحميـد ريگــی ءِ شهـــادت ءِ هـــال هـم زيکيـــں روچ شنـــگ بـــوت. تهـــران ءُ اســـلام آباد ءِ بلوچ دژمنيــــں وکـــداراں باز رنـــدا پيـــش داشتـــگ که په بلوچانـــی کشـــت ءُ کـــوش ءَ هم شـــور انــت. شهيـــد صبا دشتيـــاری ءُ شهيــــد عبدالحميـــد ريگــی ءِ سهريـــں هوناں بلـــوچ راج ءُ بلوچستــان ءِ آزاتی ءُ وت مستــری ءِ مستـــاگ اَنـت.

ادان منا دو گــپ نبيسگــــی انت. يکی ايــش که مئـے زانتـــکار ءُ راجی شهزانتــاں باز هـــژار بيگی انـــت. رنـــد چـــه شهيــــد بالاچ، شهيـــد گـــلام محمد، شهيــد عبدالمالک ريگــی، شهيــد صبا ءُ دگه کلانيـــں بلوچانـــی تــرور ءُ شهيد کنــگ ءُ رند چه پروفيســر دشتــی ءِ زده کنــگ ءَ دگه هچ شــک ءُ شهبــه اے پشــت نه کپتــک کـه دشمــن ءِ يکـے چه شوميـں مکســداں ايش انت که راجــی برزیــں ســراں به گڈ ايــت يا که گــٹ تــروس اِش بکنـت. پاکستان ءُ ايرانی واکدارانــی اے مـدامــی بدنيتــی ءُ بلــوچ دژمنیــں مکســداں ناکــام کنــگ دراهيــں بلوچانــی راجی ذمــه واری انــت. هاســکار مئـے راجـی زانتــکار بايد انـــت که مـدام ڈاه به بــنــت.

دؤمــی گپ ايش انـــت که عربــی ءُ پرنگـی ملکانــی جاهمننديــں بلــوچ وتــی وس ءُ واک ءِ کســاس ءَ سيــد هاشمــی کتابجــاه ءَ ماں کراچــی

تچکاتچک ( مستقيــم ) کمک ءُ مـدت بکنـنت. اے کتابجــاه شهيــد صبــا دشتيــاری ءِ مزنيـــں ميــراس ءِ بهرے انــت په بلوچستــان ءُ په بلــوچ راج ءَ..

بلوچستــان ءِ پليــں شهيــدان ءَ هــزاراں ســــلام

پروشــــت ءُ پـــروش باتنــــت ايران ءُ پاکستــان

آزات ءُ آباد بــات گنجيـــــــں بلوچستــــــــــــــان

محمــد کـريـم بلــوچ

دو جـــون ( ژوئــن ) ۲۰۱۱

http://www.balochetawaar.com/modules/balochi/article.php?storyid=32