نمیرانین شهید پروفیسور صبا دشتیاریءِ

نمیرانین شهید پروفیسور صبا دشتیاریءِ ترانگءَ نوزده جون 2011 میلادیءَ مان سوئدءِ بنجاهی شهربزان استکهلمءَپه شهید پروفیسورصبا دشتیاریءِترانگءَ یک پُرسی دیوانءِ برجم دارگ بوت. اے دیوان واجه محمد زین الدینی گون ترانگ ءُ یادے چه شهیدءَ بنگیج کت ءَ وتی مارشت درشان کت انت ءُ هنچوش مان همئے دیوانءَامنستی انترنشنالءِکُله په دیوانءِ دیمءَ ونت که مان اے کُلهءِتها امنستی انترنشالءَشهیدءِقتل په سختی ائر جتگ ءُچه پاکستانءِواکان لوٹ ات که واجهءِقاتلان دستگیر کنگ ءُ مان عدل انصاف ءِدیمءَپیش بکن انت ءُ واجه شهیدءِ پُشپدءَ تاوان بدنت. دیوانءِ دومی بهرءَ واجه مهیم برھانزاھی ءَ بلوچ راجءِ قندیل ءُ چمءُچراغ واجه مرحوم صبا دشتیاریءِکسانین سرگوستے چه واجه شهیدءِ زندءِ سرگوستءَ په دیوان دیمءَ پیش کت.هنچوش دیوانءِ رندگیریءَ دیوانءِ بهر زوروکان شهیدءِبی مٹءُدرورین جهد په بلوچ راجءَنام گپت کت انت ءُ واجه دشتیاریءِمظلومانئین کوش ائرجت ءُ وتی دلپدردی درشان کت انت ءُ چه جهانءِانسان دوستین واک ءُ تنظیمان دزبندی کت که پاکستان ءُ ایرانءِ زالمین هونوارین حکومتانءَ په انسانی هکانی احترام ائر کنگءَمجبور بکن انت. مان اے دیوانءَ رژن ٹی وی ءِ رپورٹرءَ بهر زورت ءُ

دیوان بیگاهءِ ساهت هپتءَ آسر بوت. رپورتر: نوهان بلوچ

Source: http://www.zrombesh.org/