بلـوچستــان ءِ پليــں شهيـدان ءَ هـزاراں ســـلام

 شهيــد عبدالمالـک ءِ هم کوپگيــں مجـاهـــد شهيـــد حاجـــی خدابخــش سمالــزهی ( شـه بخش) که بلوچستــان ءِ کلانیــن ءُ زانتکاريــں سرمچارے اَت هورگـوں

وتی همبــلاں گوستگیں شمبه ءِ بامگاه ءَ ماں مورتان ءَ شهيد بوت اَنت. شهيد خدابخش چه پشمبه ءِ بامگاه ءَ بگـر تانکه شمبه ءِ سهب ءَ بزاں چاربيل ( دو شپ ءُ دو روچ) رستریں پاسدار ءُ بسيجی يانی ديما جنگ دات ءُ گڈســرا ماں بلوچ گلزميــن ءِ کوهــاں شهيد بـوت.

سرمچــارحاجــی خدابخــش بلوچستــان ءِ هنچوشيــں سلهبنديــں سروک ءُ سرمچــارے اَت که پاســدار ءُ بسيجــی گــوں آيــی ءِ نام ءِ اشکنــگ ءَ ترس ءُ لــرز ماں جانــاں کپتــگ اَت. شهيــد سرمچــارحاجــی خدابخــش دشمن ءِ فوجی بند کرتنــت ءُ گوں وت ءَ برتنــت بلئے اپسوز لهتيــں وت بهاکتگيــں بلــوچ که گجــر ءِ نوکر انــت، بلوچ دژمنيــں سپاهيگ ءُ بسيجـی يانی همــراه بوتنــت ءُ بلوچستــان سرمچاريــں پسگــان ءَ تيرانــی آماچ کرتنــت.

رنــد چـه حکومتــی پئوجيانی دستگــر بيــگ ءَ ماں هيت ـ سرباز ، ايران ءِ دروگبنديــں سپاهــی ءُ چاروگاں جار پرينــت که « تروريست ، دزءُ اشرار» په زرءِ هاتر ءُ باجگــری ءَ حکومتی ياں گــوں وت ءَ برتنــت. حکومــت ءَ بيد دگــه پارس شونيست که په زاهــر ءَ تهران ءِ واکدارانی هلاپ انــت

حکومتی هبــراں گاجائيــل کرتنــت ءُ مــاں وتی راديو، تلويزيون ءُ وبسايــت ءُ وبلاگــاں جار پرينــت که بلوچ سرمچــاران «تروريست ، دزءُ اشرار» اَنــت.

اپســوزی گــپ ايش انــت که مگربــی بلوچستــــان ءِ سياســی هوربنــد، دژمــن ءِ زهرکنيــں تبليغــاں هــچ جوابـے نـدات ءُ هنگــت ءَ کر مه گوشــی کنگاينــت.

باريں آ سرپــد نهنــت که پرچــا سرمچــار حاجــی خدابخــش چنـت سال انـت کـه ســلاح دست گپتگ ءُ گڈســرا چاربيــل بزاں دو شــپ ءُ دو روچ مــاں سرباز ءِ کوهــاں گوں بلـوچ کـُشيــں سپاهيگاں جنـگ دات ءُ بلــوچ ءُِ بلوچستــان ءِ تــوار بــرز کرت ؟

آ دليــريں بلــوچ سرمچــاروتی ســاه ءُ جــان په بلــوچ ءُِ بلوچستــان ءِ هاتــرا ماں مکـران ءِ کوهــان ندر کــرت ءُ هورگـوں وتی همبــلاں شهيــد بوت.

شهيــد حاجــی خدابخــش ءِ پيميــں سرمچارانــی هونانــی برکت انــت که بلــوچ ءِ حک لوٹــی ءِ تــوار برز بؤان انت.

شهيــد حاجــی خدابخــش ءُ بلوچستــان ءِ تماميــں شهيــدانءَ هــزاراں ســلام

پروشــت ءُ پرش باتنــت ايران ءُ پاکستان

آزات ءُ آباد بات گنجيـــں بلوچستــــان

محمـد کريـم بلـوچ