چار آگست شھید مھرنھادءِ شھادتءِ سئمی سالروچ إنت - چمشانک: ولید گربنی

گشیگا زی ات۔ ما مھرنھادءِ سیاھگاں وانگا إتیں۔ آئیءِ ھر روچی دستگٹیانی حال انٹرنٹا تالان إتنت۔ مردمانی خیالا ایرانی واکدارانی دل پہ بلوچاں نرم ترّتگ ات۔ آواں پریاتا إلـّگا ات۔ البت مھرنھاد زانت۔ آئیا وتی سیاھگاں ظاھر کت، گشت ئی 'ادا پریات کنگ گناھے منـّگ بیت'۔

پدا ھم مھرنھادءَ ھمے گناہ کت۔ پرچاکہ ضرورییں گناھے ات۔ زوراکانی دیما دارگ اگر گران إنت، بلے زوراکیانی خلافا گپ جنگ ھر انسانء بنی حق إنت۔ سزا ھرچے ات، مھرنھاد پہ سزاءَ ساڑی ات۔

مھرنھادءِ واھگ نہ ات کہ کـُشگ بہ بیت۔ آئیا لوٹ ات کہ دشمناں سار بہ کنت۔ بلے سرامادیں دشمنءِ سر سار نہ ات۔ آئیا مھرنھادءِ ڈولیں پل سست۔ پہ ھمے مقصدا سست ئی کہ آئی کارپداں گار بہ کنت۔ دشمنا رد وارت۔ مھرنھادءِ خونءِ وشیں بو مرچی ھم بلوچستانءَ تالان إنت۔

مھرنھادءِ تران انگت دلاں زندگ أنت و ورنایاں راھشونی کنگا أنت۔ مرچی ھم بلوچ جوان عھد، قسم، پیمان کنگا أنت کہ مھرنھادءِ کشکا دیما روان بی أنت۔ دشمنءِ حیلواں کہ شہ آوانی دستا قلماں پچگریت و تفنگ إش بہ دات، پیلو بیگا نہ إلّ أنت۔

http://www.balochinews.com/2011/08/4.html