مرچگین دنیاء بازین بدلے دیما اتکگ و ایگ انت. اے بدلیان هر پڑی ء و هر کنڈی ء وتی اسر ظاهر کتگ. بلے مسترین بدلیانی کے دیم ء اتکگنت و تیوکین دنیاے دلگوشے وتی نیمگ ء کشتئگ بزان میدیا ,مال و زر ء, انترنیت و تکنیک میان استمانی بیگنت. اے درگت ء دنیاے پیسرگین رنگ و دروشم پهک بدل بیتگ و انگت بدل بیگ انت. اے وسیله هانی میان استمانی بیئگ , یک مزنین کمکے بیتگنت په قومانی کے ایانی انسانی حق و حقوق کے سالانی سال انت چے ایان گرگ , په زور غلام کنگ, په زور لڈینگ, ایانی پت و پیروکی و ماتین وطن ونڈ ونڈ کنگ , اسیمیلاسیون سیاستانی اماج بیتگنت, تنکے په یک جوانترین طریقه ء وتی جهدان دیم ء ببرنت.
مرچی گون اے وسیله هانی دسترسی ء نه تهنئک ء اے قومانی خبر و وحادثه په زوتیانوتی ایوکینسیم سران شنگ و تالان بنت بلکین گون همی تیزی ء دنیاے دراهین کونڈان هم شنگ و تالان بنت و اے ردء یک مزنین کمکے په قومی پجار ء رودم دیئگ ء وایانی مشکلانی میان استمانی بیئگ ء کتگ.
دیمترء ما گندن دنیا ء بازین ملکے کے پیسرء دیکتاتوریانی اماج بیتگنت هنو یا نوکین دمکراتیکین ملک جوڑ بیتئگنت و یا همے کشک ء روگاانت و لهتے جاه ء دیم په شکینی ء .بلے ما اےهم دیستگ ملکانی کے چئے چونت قومان جوڑ بیتگنت ا یک نیمگی ء دیکتاتوریانی اماج و دومے نیمگ ء یک قومے بالادستی په ا دگے قومان هم بیتگ. و اے نمونه این بالادستی گیشتر وهداں گون نسل کشی, تاریخ کشی, درانڈیهی, اقتصادی و دود و ربیدگی پشت ء دارگ ء همگرنچ بیتگ و انگت هست انت. مرچیگین دنیاء ما گندن کے قومانی مسئله نه تهنک ء ا چونت قومین ملکانی مسئله انت بلکین ایک میان استمانی مسئله هم هست انت.
دگے نیمگی ء ما گندن ازاتین و وت واجه این ملک هم هور بیگ انت و نوکین اتحاد جوڑ کنگء انت و بازین جاگے هان اقتصادی هورکاریان هم جوڑ بیئگ ء انت. بلے دگے نیمگی ء نوکین ملک هم جوڑ بیگ ء انت , بیتگ و بازین جاگے ء اے هم کوشست بیگنت کے نوکین ملک جوڑ ببیت و تاجگ ترینے جنوبی سوداننت.
پجار، حق و حقوقے شوهاز کنگ نه تهنک ء سیمے دنیاء لوٹے بلکین دنیاے دیم ء شوتگین ملکانی کے چوش انگلستان, بلژیک, اسپانیا, کانادا غیره و غیره هم همے لوٹ دیم ء ایگ انت.
دنیا همیشه گون مختلفین لوٹان دیم په دیم بیتئگ, بلے مرچی یکے چے دنیای مسترین لوٹان پجار انت و اے پجارءوت یک نوکین رنگ و دروشمےواهوندنت. پرچی ء مرچگین پجار گون نوکین فکر و خیالان چوشکے دموکراسی, عدالت , جنین و مردینانی برابری, چوکانی حق و حقوق, زیدء سمبالگ غیره و غیره همگرنچ انت.
ایران
پیش چے هشتاد سیائین ، کهرین و دراجین سال بیئگ انت کے شاهانی اخوندانی جابرین, شئونیستینحکومتی من ایران و قومانی سرء برجاه انت. هر روچی چے اے سالان گوستئگ په ایرانے مردمان و قومان یک مصیبتی چے پیسرگین مصیبتان گیش بیتئگ.
مسترین چالشے کے ملاهان په سجهین ایران ء و تیوکین دنیاء جوڑ کتئگ, ایانی اتمی پروگرام انت. ملا چو سرپد انت کے دنیا من یک مزنین بدلے ء دیم ء روئگ انت و اے بدلیانی درگت ء هر ملکے همے کوشست ء کنت کے هما کارء بکنت کے ایانا گیشتر سیت و نف رسیت پرچیا کے ا پیسرگین دو بلوکی دنیا دگے موجود نئنت و اے درگت ء بازین ملکے کے ا دولا ملاهانی دیم ء به اوشتئنت نه اوشتئنت و لهتے گپ چے دیالوگ و بازین گپ چے لب و ملام ء جنت و لهتے چے ملکان په دو تلی ،چشکے روس و چین، ملاهانی پشت و پنائی ء کننت پر چی ء ا شر ایران حکومتانی فکر و ذکران زاننت کے چطور ایان بپاچنت.
ملکانے کے فکر کننت کے ا تواننت ملاهانا گون لب و ملام دیئگ ء و دیالوگ ء چے اے راه ء پد بتریننت, اے صرفوهد انت اے جواب ء دنت کے چینچو کامیاب بنت, بلے بیاین هوریگ ء بچارین اے نمونه این کاران گون اے نمونه این حکومتانتاریخ تها کدامنتیجه داتئگ.
تاریخ همے گواهی ء دنت کے اے نمونه این حکومت گون لب و ملاما راضی نبنت, بلکین اے نمونه این حکومت گند و نند
ء رایک فرصتی په وت گندنت و گون اے فرصت ء ا وتا رء په وتی شومین مقصدء نزیکترو نزیکتر کارنت و جاهی سر بئنت که پشت ء کنرئگ ناممکن بیت.
سی سال چے ملاهانی حکومتی ء گوستئگ و اے دراجین سالان ملاهانی دست گون کدام بدکاریان هور نبیتئگ و اے سالان ملاهان کدام زندے سهولت په وتی ملکی مردمان ودی کتئگ. اے دراجین مدت ء کدام دیالوگا ء گون اے ملاهان ثمره داتئگ که اے رندیگین ثمره بدنت.
دومے جهانی جنگے تاریخ گوشیت کے لب و ملام گون هیتلرا هچ ثمره ے نداتگ بلکین چپئکا هیتلر ء چے لب و ملامان یک نیمگے سوب و دگے نیمگیا مهلت رسئت کے شرتر و تی پانچورکان المانی سرء و رندترء وتے چپ و چاگردے ملکانے سرء سک تر بکنت و نتیجه دومے جهانے جنگ بیت و ا جنگ ء ملیونانی بے گناهین مردم اے نمونه این سیاستانی اماج بیت انت. ما هنو همے گندگا انت کے ملا هیتلرے سیاستانی فتوکاپی کنئگاانت.
اگر ملاه اتمی صلاح ء صلاح بند ببنت گڑء نه تهنک ء ایران ء سجهین مردم و خاص پیسردر بندین قوم انگت گلام تر و غلامی لوپ ء گیشتر وتےگردن ء گیشتر مارشت کننت, بلکین سجهین منطقهے دروشم هم بدل بیت و نوکین جنگ و نوکین صلاح بندی پهکین منطقه ء وتے اماچ کنت.
اولے و دومے جهانی جنگ و ا دگے جنگانی کے بیتئگنت همے گواهیا دئنت ک وهدے چوشین حکومتے کے ملاهانی هست انت, وهدی ا وتا دلجمی ء صلاح بند کتئگ گڑا ایانی کوشست همے بیتئگ و بیت کے وتی تب ء حکومتی گون وتی وت جوڑ کتئگین اکستریمستین گروپان دگے ملکانے سر بکننت اے نمونه این دست مان کنئگ من دگے ملکانے مسئله هانملاهانی یک چے بنجاهی سیاست و ایدولوژی انت.
اتمی صلاح بند بیئگ یک وسیله ای بیت کے ملاهانے حکومتے عمر دراجتر ببیت و شرتر بگوشئن اتمی صلاح په ایانی خیالا په ایان ابے حیات بیت. اے درگت آ نه تهنک ء چے اے دگے ملکان گیشتر لب و ملام گپت کنت بلکین وتارء منطقه ے مستر هم جوڑ کنت و اے ذریع ء ا یک نیمگی ء گون اتمی صلاح بندی ء و دگے نیمگی ء گون وتی وت جوڑ کتئگین شیعه این گروپان نوکین منطقه ے دروشمے جوڑ کت کننت.
اےهم بیت کت کنت کے ملا گون اتمی صلاح بندی ء دنیا ء مجبور بکنت کے په وت انچین قرارداد جوڑ بکننت چے پیسرگین لب و ملامان باز باز مسترانت. اے المی انت کے ملا گون اتمی صلاح بندی ء قومانے حق گرگ انگت مشکل تر کننت و هر نمونه این اپوزیسیون گون مزنین مشکلان دیم په دیم بنت, چوشین ماحولی ء ریسک سک بازانت کےدنیا چے بازین مسئله و مشکلان چوشکے قومانے مسئله انت, انسانی حقوقانی لگت و مال کنئگ انتسر بگوزانت.
بلوچستان
وهدے گپ چے هور کارے و هوارے بیت گڑا اعتماد, احترام په یک دگرے حق و حقوقانچےبنجاهی رد و بنداننتچوشکے دو مردم هوری بزان سانگ و سیری, براهندگے کنئگ , هورین تجارت یا یک مسترین مسئله چوشکے یک ملک کےائی تها چونت قوم هورنت. چوشکے ایراننت کے اودان مختلفین قوم کے من یک مختلفین وڑی ء و ڈن چے ایانی لوٹ و رضای ءمرچگین ایرانی جهمنند انت. هنچو کے زانین لهتے چے اے قومان پیسر چے کے ایرانی بهرز ببنت ایانا وتیقومی حکومتی من صدانی سالا بیتئگ, بلے گون دنیاے مزنین جهک و بوستان و بدلی سدلیان ا مرچی ایرانے چادرے چیرا مچ بیتئگ انت.
چوشکے تاریخ گوشیت بلوچ قوم هزارانی سال انت اے جاهی کے مرچی بلوچستان گوشئگ بیت جهمنند انت و س
صدانی سالا ایا وتی حکومتی من وتی سیم سرانی سرء بیتئگ, ادان نلوثان تاریخ دفترء پج بکننان.بلوچ قوما هنچو ا دگے قومان یک پدے, یک هنوگے و یک بانداتے هست. مئے پد همے گوشیت که ما یک پوڑئین قومے بیتئگ انت و وتی ملکے صاحب من یک دراجین وهدی ء هم بیتگنت. مئے هنوگ همے گوشیت کے ما یک چے ایرانے ششین قوماننت و ایندگ گپ ء ایندگ نسل بلے جنت.
وهدے کے ایران چونت قومے ملکے گڑا په هور کاری و هور زندگی کنئگ و په یک دگرے سرء اعتماد کنئگ چے هر دگے جائیا ضروری ترانت, هور کارے بے اعتماد جوڑ بیت کت نکنت و بیاین بچارین اعتماد جوڑ بیئگے وسیله کدامنت.
هر مسئله دو یا چنت طرف هست انت و هر طرفی ء مختلفین سیت و نف هست انت, بلے باز رندا هور کارے هر دوئنانی سیت و نف بیت کنت و چوشین هور کارے یک بنجاهی قدمے په ایانی دیمرئی ء و یک پر سکونین زندگی ء بیت کت کنت, بلے اگر اعتماد مه بیت گڑا اے هور کارے بے مطلب بیت و وهدی کے هور کارے بی مطلب بیت گڑا اے غیر نا عقلی انت کے اے مسئله مختلقین طرف هور کارے رند گیری ء بکننت. هور کارے بدل ء زور کارمرز بیت و بارین زور چے انت و کے دست انت و چطور کار مرز بیت.
چوشین ماحولے کے بے اعتمادے اماچ انت و اماچ بیت گڑا ا ماحول ا ملک ء یک زندانی په ا قومان جوڑ کنت و چوشین ماحولے تها درست همے کوشست ء کننت کے گون یک دگرء وتا دیر بدارنت و هور کارے مکننت, با وجود اشکے که ایانی هور کارےدرستانی نف و سیت انت. بلے ا قومے کے ا ملکے مستر و صاحب انت گڑا ایان گیشتر امتیاز دیئگ لوٹے هرچے کے
ایانی دست انت بهر کنگ لوٹے پرچے کے هر چے مرچے ایانی دست انت ایانی تیوکین حق دار نئنت بلکین په زور وتی کتئگنت.
حکومت ء بهر کنگ.
اعتمادے جوڑ بیئگے مسترین وسیله ا ملکے سیاسی, اقتصادی, تاریخی, د ود و ربیدگی رد و بندنت و اے رد و بندے تها اداره هانی که هست انت مسترین کردے هست انت و مطلب چے ادراهان بزان مجلس . دولت و دادگاه غیره و غیره انت.
وهدیکے اے قومان په اے اسر برسنت یا په راه انت کے برسئنت و یا بلکین رستئگنت کے هچ نمونه این اعتمادی موجود نه انت, و وهدی یکے چے اے قومان اے سجهین برزء ذکر کتئگین اداره ائی دست ء انت گڑا اے نمونه این ماحول ء نسل کشی راه پچ بیت و ما اگر رونداے, پیسرگین عراقے و یوگسلاوی ء ایران و پاکستان ء بچارین گڑا مارا دلجمیین جواب اے باروء دست ء کئیت کے پرجیا اودان نسل کشی بیتئگ.
محمد زینالدینی
No comments:
Post a Comment