رستریں احمدی مقدم : بزانيت که اے ـ ميـل ءُ اس.ام.اس ( گونڈیں کله يان ) ءَ کنترل کنيـں

اگاں پيش ءَ تـُشــے شک ءُ شهبه پشت کپتگ اَت که هکومتی چاروگاں اے ـ ميـلءُ مردمانی اس.ام.اس بزان گونڈیں کله ياں چارنت يا ناں، مروچی هکومت ءِ انسان کشيں پليس ءِ سرمستر رستریں احمدی مقدم رسمی پيم ءَ مـنّ اِت که مردمانی اے ـ ميـل ءُ همراهیں گوانکوان ءِ سرءَ اس.ام.اس کنترل بنت
. گوں اے پـدّریں گپ ءِ منــّگ ءَ ماں دولتی ميدياءَ مافيايی سپاه ءُ اطلاعات ءَ مکسد ايش ات که مردمان پاترپ بدينت ءُ به ترسيننت.
چنت روچ انت که هزاران آزاتی پسند ماں مزنيں شهراں يکدگرا اے ـ ميـل ءُ اس.ام.اس راه دينت تانکه په ۲۲ بهمــن ءِ روچ ءَ وت ءَ تيار بکننت. اشکنگ ءَ آشوبی مردم چن ءُ لانچ انت تاں ۲۲ بهمن ءَ چه وتی لوگ ءُ کارجاهاں دربياينت ءُ وتی تواراں هوری ءَ تهران ءِ زالميں واکدارانی هلاپ ءَ برزتر بکننت.
نارازين ءُ آزاتی پسنديں مردمان لوٹنت ماں هما روچ که شاه ءِ هکومت ۳۱ سال پيش ءَ چپيگ بوت يکرندے دگه وتی نارازی ءُ مردمی واک ءَ آخوند خامنه ای ءُ مافيايی سپاه ءُ رستریں چاروگی اداه ياں پيش بدارنت.

چه دگه نيمگے تهران ءِ انسان دژمنیں هکومت چن ءُ لانچ انت تانکه ماں همے ۲۲ بهمن ءِ روچ ءَ وتی زوراکی ءَ به چکـّاسيت. کٹریں زابلی ءُ جاهلیں پارس بسيجيءُ سپاهگ ءُ لبنانی شيهه ياں ماں تهران ءَ آدگه مزنیں شهراں مچ کنگ، اے ـ ميل ءُ گوانکوانی سرءَ اس.ام.اس ءِ کنترل کنگ، همراهیں گوانکواں پچ ءُ بند کنگ، اينترنت ءِ رواج ءِآرام کنگ، اينترنت ءِ سرا چاروگی ،مردماں پاترپ ديگ، دانشجويان ءِ دستگر کنک ءُ دگه بازیں زاهر ءُ چيروکايی یں پليسی ءُ چاروگی چست ءُ ائير هما کارهرابی انت که هکومت ءَ بنگيج کرتگ انت تان مردمانی شورش ءُ جه جنگ ءِ ديم ءَ به داريت.

http://taptanna.blogspot.com/2010/01/blog-post_9408.html