هست ات يك روچئ ، هست اَت روزگارئ و هست ات يك كلگئ دورين. ائ كلگءِ يك كرئءِ ، يك دهكانئ هست ات كه آئيءَ شپ و روچ وتي زميناني سر كار كت. اگن آئي يك جاهئ روگيگ ات، گراوتي اسپئ زين كُت و رهادگ گپت. آئيءَ لهتئ پس و مورگ هم هست ات. همئ سوبءَ ، آئيءَ يك دارين پيئتيءِ جور كتگ ات و يك كرئءَ اير كتگ ات و وتي اسپ و گوكاني كاه و كديم و مُرگاني دانكي اير كت انت.
بلئ دور بدل بيت انت دهكانءَ وتي اسپ، گوك ، پس و مورگ بها كت انت. آئيءَ وتي زمين گون تراكتورءَ ننگار كت انت، آئيءَ په وتي رو و آيا، يك سواري ماشينئ زورتگ ات. آئيءَ دارين پيئتي هچ پيمءَ كرمرز نه كت و ائ پيئتي هوردين بچلوكاني هر روچي ليب جاه بيتگ ات.
مدتئ رند بچلكان هم دن و شهراني ليب يله كت و دگه دهكانءِ زميناني سرءَ نه شُت انت، بلكن وتي لوگاني تهءَ نشت و گون اتاري دگر ور ورين تي وي گيمان دلگوش بيت انت. چِد و رند هچ كس دارين پيئتيءِ نيمگءَ نه شت. پيئتي دپيگ برئ گواتءَ پچ كت و برئ بند.
يك روچيئ يك نرين موشكئ لاپءِ شوهازءَ ات و سري مان همئ پيئتيءِ كر و گوران كپت و گون دگه مادگين موشكئ ، كه آ هم لاپء شوهازءَ ات، ديكي وارت. ائ مادگين موشكءِ شومزين چم و اسپئتين پوست هنچوش شوك و دولدار ات انت كه نرين موشكءِ هوش چه آئيءِ سرءَ شُت . آهان گون يكادگر گپ وئالئ كت و پجار بيت انت و دمانئ رند هوريءَ ليب لگت انت. ليب كنان آهاني سرپيئتيءِ تهءَ كپت، بلئ آهان هچ سار نيست ات و چه گلءَ بال ات انت.
اناگتءَ يك تُرندين گواتئءَ كش ات و پيئتيءِ دپيگ گون مزنين توارئءَ بندگ بيت. هر دوئين موشكان چه توارهءَ ترس ات و هر يكئءَ وتءَ يك كنجئءَ چير دات. رندتر آهان تهاري تهءَ يكادگرءَ شوهاز كت و درگيئت بلئ در كپگءِ راه ، هچ نيمگا نه ديست. آهان زانت كه پيئتيءِ تهءَ بنديگ بيتگ انت و سك باز نگران بيت انت. شرين گپ ايش ات كه موشكاني و راكي پيئتيءِ تهءَ هست ات و آهان شديگي نه كش ات.
كم كم اهان آدت كت و يك هورين زندئ بنگيج كت. ديرئ نه گوست كه آهان بازين چوك و چوريگئ بيت و گل و شادان بيت انت. آهان پهك شموشت كه چه پيئتيءَ دن دگر دگنياهئ هست و رژن و روشنئ هست.
سالاني سال گوست انت و موشكاني زندءِ تهءِ هچ پئمين بدلئ ءِ نه آتكگ ات، آهان پيئتيءِ تهءِ تهارين و بئ چست و ايرين زندءَ گون هيل كتگ ات و ائ زانت و پهم هم نيست ات كه په زندءِ گوازئينگ دگر ور و پيم بيت كنت. آ دوئين موشكان كه رژن و روشني ديستگ ات ، پير بيتگ و مرتگ ات انت.
چوناهئءَ هُردين موشكءَ پيسرءَ هم بازين هب و واهگئ په دگراني مجلس و ديوانءَ نيست ات بلئ چد و رند آپهك تهنا بيت و آئيءِ بازين وراكئ هم نه وارت . آ چه وتي بازين پگر و كم وراكيءَ و چه پيئتيءَ دن دگه دگنياهءِ باروءَ پگر كت . ائيءَ يك كونجئ گچين كتگ ات و ائ سر و آ سرءَ شت و آتك.
چه ائ هالاتان بازين مودتئ گؤست و موشكءِ بازين رؤءُ آيان پيئتي دار هما جاگاهءَ چوكّينتگ ات و پَهك نازرك كتگ ات. يك روچئ چه همئ چو كّتگين جاهءَ كدرءِ يك سوچني سرئ ، يك تونگوكئ زاهر بيت و چه همئ تونگءَ روچءِ برانزئ پيئتيءِ تهءَ آتك. و هدئ كه هُردين موشكءَ روچءِ برانز ديست آئي هيران و هبكه بيت بلئ آئيءَ زانت كه ائ يك نوكين چيزئ و سك باز گل بيت . آئي گؤن وتي نزورين دست و پدان هوردوكين تونگءِ كر و گؤراني كُوچگءَ لگت و تونگي كدر وتي جؤنءَ مزن كت و اشتاپ اشتاپءَ چه پيئتيءَ دراتك.
آ دگر موشكان هچبر هوردين موشكءِ نيمگا نه چار ات و همئ سؤبءَ آهان نه ديست كه هوردوكين موشك چه پيئتيءَ در كپت. و هدئ كه آهان سار كت و هردين موشكءِ شوهاز كت گرا هماتونگءِ ديست. آهان مستر و كماش هال دات انت كه هوردوكين موشك پيئتي تونگ بندگ به بيت. پيش چه تونگءِ بندگءَ دگر لهتئ موشكءَ هم لوط ات كه چه پيئتيءَ در به كپ انت بلئ كماشان آهاني جنگ و بندي كّنگءِ هو كوم دات.
بلئ هنچوش كه گوشنت هچ چيز ابدمان نه انت و روچئ نه روچئ ، زلور هر چيز بدل بين گرا موشكاني بئ چست و ايرين زندءِ تهءَ يك مزنين ارئ جور بيت. ائ ارئ سوب ايش ات كه يك هوردوكين موشكئءَ رند په رند چه مستر و كماشين موشكان هنچين جست كت كه كماشين موشكان هچ دابين پسوئ نيست ات.
هبرءِ بندءَ هوردوكين موشكءَ جست كت : بارين دن چه ائ پيئتيءَ دگر دگنياهئ هست؟ بارين دن چه ائ پيئتيءَ دگر موشك هست؟ اگن هست گرا آهاني زند چون انت؟ بارين چه ائ پيئتيءَ در كپگ بييت؟ ءُدگه بازين همئ ورين جستءُ پرس كه هچ كسءَ پسو دات كت نه كت انت. چوناهيءَ كسءَ هم نه زانت انت پرچئ كه آ دوئين موشك مرتگ ات انتءُ آهان گؤن هچ كسءَ، چه روچ ، رژنءُ روشنئءِ باروءَ گپ نه كتگ ات.
مستر و كماشين موشك باز رندءَ چه هوردوكين موشكءِ بازين جستان نگئيگ بيت انت پرچئ كه آهان په وتءَ نامئ در كتگ ات و موشكاني زانوگر و كواس زانگ انت بلئ هوردين موشكءِ جستاني جواب ءِ نه زانت ائ بئ جوابيءَ دگر بازين موشكئ هم دو دل كتگ ات و كماشي موشكاني گپاني مّنگءِ هب نه ات انت.
او رؤگ ات كه دگر اري به بيت بلئ كماشين موشكان زوت زوتءَ هو كوم دات كه هچ كسءَ هك نيست گؤن هوردوكين موشكءَ گِندءُ نِند و گَپء تِران به كنت و جار اش جت كه هوردوكين موشك گنؤك انت.
كليه حقوق اين سايت وابسته به نشریه استون مي باشد.
E-mail: Estoon@Gmail.com
بلئ دور بدل بيت انت دهكانءَ وتي اسپ، گوك ، پس و مورگ بها كت انت. آئيءَ وتي زمين گون تراكتورءَ ننگار كت انت، آئيءَ په وتي رو و آيا، يك سواري ماشينئ زورتگ ات. آئيءَ دارين پيئتي هچ پيمءَ كرمرز نه كت و ائ پيئتي هوردين بچلوكاني هر روچي ليب جاه بيتگ ات.
مدتئ رند بچلكان هم دن و شهراني ليب يله كت و دگه دهكانءِ زميناني سرءَ نه شُت انت، بلكن وتي لوگاني تهءَ نشت و گون اتاري دگر ور ورين تي وي گيمان دلگوش بيت انت. چِد و رند هچ كس دارين پيئتيءِ نيمگءَ نه شت. پيئتي دپيگ برئ گواتءَ پچ كت و برئ بند.
يك روچيئ يك نرين موشكئ لاپءِ شوهازءَ ات و سري مان همئ پيئتيءِ كر و گوران كپت و گون دگه مادگين موشكئ ، كه آ هم لاپء شوهازءَ ات، ديكي وارت. ائ مادگين موشكءِ شومزين چم و اسپئتين پوست هنچوش شوك و دولدار ات انت كه نرين موشكءِ هوش چه آئيءِ سرءَ شُت . آهان گون يكادگر گپ وئالئ كت و پجار بيت انت و دمانئ رند هوريءَ ليب لگت انت. ليب كنان آهاني سرپيئتيءِ تهءَ كپت، بلئ آهان هچ سار نيست ات و چه گلءَ بال ات انت.
اناگتءَ يك تُرندين گواتئءَ كش ات و پيئتيءِ دپيگ گون مزنين توارئءَ بندگ بيت. هر دوئين موشكان چه توارهءَ ترس ات و هر يكئءَ وتءَ يك كنجئءَ چير دات. رندتر آهان تهاري تهءَ يكادگرءَ شوهاز كت و درگيئت بلئ در كپگءِ راه ، هچ نيمگا نه ديست. آهان زانت كه پيئتيءِ تهءَ بنديگ بيتگ انت و سك باز نگران بيت انت. شرين گپ ايش ات كه موشكاني و راكي پيئتيءِ تهءَ هست ات و آهان شديگي نه كش ات.
كم كم اهان آدت كت و يك هورين زندئ بنگيج كت. ديرئ نه گوست كه آهان بازين چوك و چوريگئ بيت و گل و شادان بيت انت. آهان پهك شموشت كه چه پيئتيءَ دن دگر دگنياهئ هست و رژن و روشنئ هست.
سالاني سال گوست انت و موشكاني زندءِ تهءِ هچ پئمين بدلئ ءِ نه آتكگ ات، آهان پيئتيءِ تهءِ تهارين و بئ چست و ايرين زندءَ گون هيل كتگ ات و ائ زانت و پهم هم نيست ات كه په زندءِ گوازئينگ دگر ور و پيم بيت كنت. آ دوئين موشكان كه رژن و روشني ديستگ ات ، پير بيتگ و مرتگ ات انت.
چوناهئءَ هُردين موشكءَ پيسرءَ هم بازين هب و واهگئ په دگراني مجلس و ديوانءَ نيست ات بلئ چد و رند آپهك تهنا بيت و آئيءِ بازين وراكئ هم نه وارت . آ چه وتي بازين پگر و كم وراكيءَ و چه پيئتيءَ دن دگه دگنياهءِ باروءَ پگر كت . ائيءَ يك كونجئ گچين كتگ ات و ائ سر و آ سرءَ شت و آتك.
چه ائ هالاتان بازين مودتئ گؤست و موشكءِ بازين رؤءُ آيان پيئتي دار هما جاگاهءَ چوكّينتگ ات و پَهك نازرك كتگ ات. يك روچئ چه همئ چو كّتگين جاهءَ كدرءِ يك سوچني سرئ ، يك تونگوكئ زاهر بيت و چه همئ تونگءَ روچءِ برانزئ پيئتيءِ تهءَ آتك. و هدئ كه هُردين موشكءَ روچءِ برانز ديست آئي هيران و هبكه بيت بلئ آئيءَ زانت كه ائ يك نوكين چيزئ و سك باز گل بيت . آئي گؤن وتي نزورين دست و پدان هوردوكين تونگءِ كر و گؤراني كُوچگءَ لگت و تونگي كدر وتي جؤنءَ مزن كت و اشتاپ اشتاپءَ چه پيئتيءَ دراتك.
آ دگر موشكان هچبر هوردين موشكءِ نيمگا نه چار ات و همئ سؤبءَ آهان نه ديست كه هوردوكين موشك چه پيئتيءَ در كپت. و هدئ كه آهان سار كت و هردين موشكءِ شوهاز كت گرا هماتونگءِ ديست. آهان مستر و كماش هال دات انت كه هوردوكين موشك پيئتي تونگ بندگ به بيت. پيش چه تونگءِ بندگءَ دگر لهتئ موشكءَ هم لوط ات كه چه پيئتيءَ در به كپ انت بلئ كماشان آهاني جنگ و بندي كّنگءِ هو كوم دات.
بلئ هنچوش كه گوشنت هچ چيز ابدمان نه انت و روچئ نه روچئ ، زلور هر چيز بدل بين گرا موشكاني بئ چست و ايرين زندءِ تهءَ يك مزنين ارئ جور بيت. ائ ارئ سوب ايش ات كه يك هوردوكين موشكئءَ رند په رند چه مستر و كماشين موشكان هنچين جست كت كه كماشين موشكان هچ دابين پسوئ نيست ات.
هبرءِ بندءَ هوردوكين موشكءَ جست كت : بارين دن چه ائ پيئتيءَ دگر دگنياهئ هست؟ بارين دن چه ائ پيئتيءَ دگر موشك هست؟ اگن هست گرا آهاني زند چون انت؟ بارين چه ائ پيئتيءَ در كپگ بييت؟ ءُدگه بازين همئ ورين جستءُ پرس كه هچ كسءَ پسو دات كت نه كت انت. چوناهيءَ كسءَ هم نه زانت انت پرچئ كه آ دوئين موشك مرتگ ات انتءُ آهان گؤن هچ كسءَ، چه روچ ، رژنءُ روشنئءِ باروءَ گپ نه كتگ ات.
مستر و كماشين موشك باز رندءَ چه هوردوكين موشكءِ بازين جستان نگئيگ بيت انت پرچئ كه آهان په وتءَ نامئ در كتگ ات و موشكاني زانوگر و كواس زانگ انت بلئ هوردين موشكءِ جستاني جواب ءِ نه زانت ائ بئ جوابيءَ دگر بازين موشكئ هم دو دل كتگ ات و كماشي موشكاني گپاني مّنگءِ هب نه ات انت.
او رؤگ ات كه دگر اري به بيت بلئ كماشين موشكان زوت زوتءَ هو كوم دات كه هچ كسءَ هك نيست گؤن هوردوكين موشكءَ گِندءُ نِند و گَپء تِران به كنت و جار اش جت كه هوردوكين موشك گنؤك انت.
كليه حقوق اين سايت وابسته به نشریه استون مي باشد.
E-mail: Estoon@Gmail.com
No comments:
Post a Comment