جی واجه سعید برهانزئی هزار شاباش شما و شمئی نیکیں و سلیمانی توار ءَ !
واجه سعید برهانزئی ءِ وش زیملیں گـُٹ و توار کم مـَٹ و درور انت و واجه ملا موسی راسکی ءِ یاتاں دل ءَ زندگ کنان انت . واجه ملا موسی ءِ « بشکرد » ءِ شئیر و سعیدجان برهانزئی ءِ « آهوی صحرایی » ءِ شئیر کم و گیش یکیں ترز ءِ سرا وانگ و بندگ بیتگ انت که مردم ءِ ساه ءَ بهشتی ندارگانی نیمگ ءَ بر انت .
تاں که سعید ءِ دابیں ورنا بلوچی زیمل ءَ کوپگ دیاں کن انت ، بلوچ دلجم انت که بلوچی ءِ کلاسیکی و پهلوانی رهبند گار نه بیت و نوکیں ملا کمالاں و ملا موسی راسکی و ایدگه پهلوانانی بدل دگه زنگشاهی و دگه غلامقادر ودی بنت و بلوچی زیملانی گون ءَ بلوچانی دل و گوشاں زند و امیت و نوکیں و روشنیں بانداتانی گواهی دینت .
امیت انت که واجه سعیدجان ،چه دل و جان همے راه ءَ دیما به بارت و هنچوش که هنوں کسی جی و جانانی رهچار مه بیت . پرچا که بلوچ نا واننده و لگتمال انت و آهانی توک ءَ پوهی و زانت کم انت ، بلے روچے که راج زانتکار به بیت ، شمئی هر زیملے ، شمئی رُژناییں نام و یات ءَ مردمانی دلاں زندگ کنت و شمئی هر توارے پر آهاں شهدیں و دلپسندتریں نازینک و آواز بیت !
روچے که مردمانی کوپگاں چه گلامی ءِ جبر و زلم ءِ درداں آزات به بیت و آهانی نیام ءَ شهدیں واهگ و مراداں ، آزاتیں مردمانی داب ءَ آزات به بنت ، آ روچیں بلوچانی مَستریں پـَهـر « نوکیں زند ءِ اڈ کنگ » ءِ در کنار ءَ وتی کوهنیں مردمانی شوهاز و یاتگیری بیت .
بارین هما روچ ما واجه سعید ءِ دیوان ءَ نشت به کنوں !کدیں بیت که بگند اوں ما وتی باگ و بهاران ءَ
گلاں و آسمی پـُلاں ، وتی مـِسکیں ڈگاران ءَ
گوں نیکیں مراد و واهگاں په بلوچ جهدکار و واجه سعیدجان ءَ !
کریم بلوچ _ تـَهـل
امیت انت که واجه سعیدجان ،چه دل و جان همے راه ءَ دیما به بارت و هنچوش که هنوں کسی جی و جانانی رهچار مه بیت . پرچا که بلوچ نا واننده و لگتمال انت و آهانی توک ءَ پوهی و زانت کم انت ، بلے روچے که راج زانتکار به بیت ، شمئی هر زیملے ، شمئی رُژناییں نام و یات ءَ مردمانی دلاں زندگ کنت و شمئی هر توارے پر آهاں شهدیں و دلپسندتریں نازینک و آواز بیت !
روچے که مردمانی کوپگاں چه گلامی ءِ جبر و زلم ءِ درداں آزات به بیت و آهانی نیام ءَ شهدیں واهگ و مراداں ، آزاتیں مردمانی داب ءَ آزات به بنت ، آ روچیں بلوچانی مَستریں پـَهـر « نوکیں زند ءِ اڈ کنگ » ءِ در کنار ءَ وتی کوهنیں مردمانی شوهاز و یاتگیری بیت .
بارین هما روچ ما واجه سعید ءِ دیوان ءَ نشت به کنوں !کدیں بیت که بگند اوں ما وتی باگ و بهاران ءَ
گلاں و آسمی پـُلاں ، وتی مـِسکیں ڈگاران ءَ
گوں نیکیں مراد و واهگاں په بلوچ جهدکار و واجه سعیدجان ءَ !
کریم بلوچ _ تـَهـل
No comments:
Post a Comment