نروژ ءِ جهمنندین بلوچ مروچی 26 جون بزان تارچرءِ عالمی روچءِ مزنداشت برجاه داشت.
نروژ ءِ جهمنندین بلوچ مروچی 26 جون بزان تارچرءِ عالمی روچءِ مزنداشت برجاه داشت. مزنین بهرے چه نروژءِ جهمنندین بلوچ مان اے اعتراضی دیوانءَ که مان اُسلو نروژءِ پارلمانءِ دیما برجاه دارگ بوت بهر زورت. مان اے دیوانءَ اولی بهرءَ نبشتانکے په همے روچءِ مزنداشتءِ هاترءَ بزان 26 جون – تارچرءِ عالمی روچ چه بهرزوروکانی نیمگءَ وانگ بوت. که اے نبشتانک چه بهر زوزوکانی نیمگءَ باز وش آتک کنئگ بوت.
میانی بهرءَ بهر زوروکانءَ وتی لوٹ و واهگ کوکار کت انت و گیر انسانی عملانی دیم گیری ءِ لوٹوک بوت انت. و بلوچ ءِ سرا روا داشتگین زلم و زور اش و بلوچ ورنایانی زندان کنئگ و پاهو دئیگ ءَ سک ایر جت و مذمت کت.
دیوانءِ کڈی بهرءَ بهرزوروکان ءَ وتی لوٹ چه نروژءِ حکومت ءَ جار جت. بهر زوروکان چه نروژءِ حکومت همے لوٹ ات که بلوچءِ سرءَ بؤکین زلم و زور و نارواین کاران ایر به جنت و مذمت به کنت. هنچوش لوٹگ بوت که بلوچ ءِ انسانی حقوق منّگ به بیت و احترام هِلّگ به بیت.
ے جلوسی دیوان رند چه ساهت 18:00هلاس بوت.
نروژ ءِ بلوچ کمنٹی
اُسلو 26 جون 2010
No comments:
Post a Comment