کشمیر و بلوچستانءِ جیڑوا یکـّیں وڑا چارگءِ ھندوستانی توجیلا ھردچاریں پاکستانی سربتگ کتگ أنت و ھمیشیءِ خلافا وڑ وڑیں زھرشانی کنگا أنت۔ پاکستانی گيئشتر پمیشا شہ زھرا کلکـُچَگا أنت کہ 10 تا 12 جنوریءَ ماں دھلی برجم دارگ بیتگیں کانفرنسءِ تھا دو بلوچ –واجہ حاصل بزنجو و ملک سراج أکبر شہ پاکستان لوٹائینگ بیتگ أنت۔ ھمے سئے روچی کانفرنسءِ سرحال 'بلوچستان و کشمیرءِ وتواجھیءِ جیڑہ' إنت.
بلوچستانی گل نشنل پارٹیءِ چیردستیں صدر میر حاصل بزنجو و بلوچستانی حالکار ملک سراج أکبرءِ کشا دگہ 20 کس شہ پاکستان پہ گپ کنائینگا آرگ بیتگ أنت۔ إیشانءِ نیاما عاسمہ جھانگیر، أنصار برنی و عایشہ صدیقی ھؤر أنت۔ کشمیرءِ آزادی طلب لیڈر یاسین ملک ھم ماں کانفرنسا تران کنت۔
http://www.balochinews.com/2010/01/blog-post_09.html
ھمے کانفرنسءِ سرا کٹریں پاکستانی ویبجاہ 'پاکستان اوبزرور' ءِ زھر ماں محمد جمیل نامیں مردمےءِ سیاھگےءَ درشان أنت۔ إے سیاھگءِ سرحال إنت 'إیمنیءِ راہ ھمیش إنت؟' ھمے سیاھگا گشگ بیتگ کہ بلوچستان و کمشیرءِ جیڑواں یکـیں آدینکا چارگ ھندوستانءِ دستمانجنی إنت۔ پرچاکہ کمشیر یک جدائیں سرڈگارے و آئیءِ آزادیءِ پلانگریا میانراجی گل 'یو إن'ءِ منـّتگیں قراربند ھم ھست أنت۔ ألبت بلوچستان پاکستانءِ ضروری بھرے إنت!
داتگیں سیاھگا حیرانی درشان کنگ بیتگ کہ چؤنکا پاکستانی سیاست کار ھنچؤشیں دیوانےءَ بھر زیرگا ساڑی بیتگ أنت کہ اودا بلوچستان و کمشیرءِ جیڑہ یک وڑا چست إیر إبنت! ندکارءِ خیالا إے دیوانءِ برجم داروک ھندوستانءِ چاریگی بنجاہ 'را' إنت و ھمے دیوانءِ راھا إے بنجاہ بلوچستانءِ توکا وتی دستمانجنیاں روا پیئشدارگءِ جھدا کنگا إنت۔
تبصرہ: ولید گربنی
بلوچی نیوز داٹ کام
بلوچستانی گل نشنل پارٹیءِ چیردستیں صدر میر حاصل بزنجو و بلوچستانی حالکار ملک سراج أکبرءِ کشا دگہ 20 کس شہ پاکستان پہ گپ کنائینگا آرگ بیتگ أنت۔ إیشانءِ نیاما عاسمہ جھانگیر، أنصار برنی و عایشہ صدیقی ھؤر أنت۔ کشمیرءِ آزادی طلب لیڈر یاسین ملک ھم ماں کانفرنسا تران کنت۔
http://www.balochinews.com/2010/01/blog-post_09.html
ھمے کانفرنسءِ سرا کٹریں پاکستانی ویبجاہ 'پاکستان اوبزرور' ءِ زھر ماں محمد جمیل نامیں مردمےءِ سیاھگےءَ درشان أنت۔ إے سیاھگءِ سرحال إنت 'إیمنیءِ راہ ھمیش إنت؟' ھمے سیاھگا گشگ بیتگ کہ بلوچستان و کمشیرءِ جیڑواں یکـیں آدینکا چارگ ھندوستانءِ دستمانجنی إنت۔ پرچاکہ کمشیر یک جدائیں سرڈگارے و آئیءِ آزادیءِ پلانگریا میانراجی گل 'یو إن'ءِ منـّتگیں قراربند ھم ھست أنت۔ ألبت بلوچستان پاکستانءِ ضروری بھرے إنت!
داتگیں سیاھگا حیرانی درشان کنگ بیتگ کہ چؤنکا پاکستانی سیاست کار ھنچؤشیں دیوانےءَ بھر زیرگا ساڑی بیتگ أنت کہ اودا بلوچستان و کمشیرءِ جیڑہ یک وڑا چست إیر إبنت! ندکارءِ خیالا إے دیوانءِ برجم داروک ھندوستانءِ چاریگی بنجاہ 'را' إنت و ھمے دیوانءِ راھا إے بنجاہ بلوچستانءِ توکا وتی دستمانجنیاں روا پیئشدارگءِ جھدا کنگا إنت۔
تبصرہ: ولید گربنی
بلوچی نیوز داٹ کام
No comments:
Post a Comment