بیست دسمبرءِ شپءَ کوردستان ءِ دمکرات پارٹی په شهید عبدالرحمن قاسملو ءِ یات ءَ دیوانے ماں پارٹی ءِ کارگس ءَ ماں رونشتـی کوردستان ءِ کویسنجق ءِ شهرا برجم داشتگ اَت۰ بهرزوروکیں کوردانی گوشگءِ ردا دیوان براهداراَت وبازیں مردمے چه کویسنجقءُ اربیل ءُ ایرانءِ آوارجتگیں کوردستان ءَ ماں دیوان بهر زرتگ اَت.
اول سرا یک کسانیں بمبے کارگس ءِ دیما پٹیت ءُ پارٹی پیشمرگاں گوں چنت کورد پلیس نزیک رونت تاں جاورءَ پدر بکننت همے درگت ءَ دیوان ءِ چنت بهرزورک هم چه کارگس ءَ درا رونت اناگه ءَ دگه بمبے، چه اولی ءَ زوراک تر پٹیت ءُ پارٹی ءِ پنچ پیشمرگ ( بزاں سرمچار ) ءُ اقلیم کوردستان ءِ دو پلیس شهید ءُ لهتیں چه مردماں ٹپی و زدگ بنت۰ رند چه بمبانی ترکّگءَ کوردستانءِ دمکرات پارٹی ءَ جار جت که اے تروریستی کار ایرانی واکدارانی ءُ آهانی انسان دژمنیں سپاه قدس ءِ کارکردانت۰
په مڑاداریں وانوکاں پّدر کنگی که کوردستانءِ دمکرات پارٹی ماں سال ۱۹۴۵ ءَ بنگیج بوت۰دو سال رند بزاں ماه مارچ سال ۱۹۴۷ءَ پارٹی ءِ بنگیج کار نمیرانیں قاضی محمد ماں مهاباد ءَ دسگر کنگ بوت ءُ محمد رضا شاه ءِ لشکر ءِ دستءَ ماں هما شهرا پاهو دیگ بوت.
پارٹی ءِ دو نمیرانیں رهشوں شهید دکتر عبدالرحمن قاسمـلو(۲۲دسمبر۱۹۳۰ ـ ۱۳جولای۱۹۸۹) ءُ شهید دکتر صادق شرفکنـــدی (۱۱ژانویه ۱۹۳۸ ـ ۱۷ سپتمبر ۱۹۹۲) جمهوری اسلامی ءِ تروریستاں ماں اتریش ءُ جرمنی ءَ وتی تیرانی آماچ کتنت۰
کوردستانءِ دمکرات پارٹی په ایران ءِ آوارجتگیں کوردستان ءِ وت واجهی ءُ وتی راج ءِ آزاتی جهد کنگاینت ءُ هنوں ایرانی اپوزسیونءِ مستریں سیاسی ءُ سلهبندیں پارٹی انت که ایرانی انسان دژمنیں واکدارانی دیما کوهـے پیما اوشتاتگ۰
تهران ءِ انسان دژمنیـں واکدارانی دولتی تروریسـم ءُ سپاه قدس ءِ رستری کارکـرد هجبر کوردستـانءِ دمکرات پارٹی ءُ کورد راج ءً پروش دات نکننت۰ بے شکّ شکـسـت زالم و زورانسرانی نسیب انـت۰
آزات ءُ آباد باتنت کوردستـــان ءُ گنجیں بلوچستـــان
پروشت ءُ پروش باتنت ایــران ءُ پاکستــان
محمد کریم بلــــوچ
دسمبــر ۲۰۱۶
http://baluchistan47.blogspot.se/
No comments:
Post a Comment