اسپانی کدیمی

Ali Raesi

20 tim · 

اسپانی کدیمی

مارچ ۱۲۲۰ ءَ مغلان بخارا فتح کت ۔مغل شھرءَ پترت انت،چیگیز خٓانءَ یک براھداریں ، مزنین جلوہ ناکین ماڑی یے دیست۔ چنگیزخان ءَ جست کت کہ ھمیش انت اے شھر ءِ بادشاہ ءِ لوگ ؟کسے ءَ پسہ دات کہ نا واجہ ،اے مردمے ءِ لوگ نہ انت ،اے مسیت ایں ،اے مسیت ھدا ءِ لوگ انت ۔چنگیز ءَ آ مرد ءِ نیمگ ءَ چارات ، ھمے ماڑی ءَ چارات ، ھچ نگوشت،چیا کہ پہ مغلان ءْ یا پہ چیگیز ءَ اے نوکین ھبرے ات ، مغل نیلین آزمان کہ اے سر آ سری گندگ بنت یا زورآورین کاینات یا جھان ءِ قدرت ءَ ھدا لیکیت ۔،پہ چیگیز ءَ اے ھیرانی ءِ ھبرے ات ۔کہ اے بلاھین ھدا کہ جھان ءِ واجہ بہ بیت ، خلقت ءِ پیدا کنوک بہ بیت ،آ چوں مردمے ءِ وڑا یک لوگے ءَ یا ماڑی یے ءَ جاگہ کت کنت ۔ آ ھیران ات کہ اد ءِ مھلوک ءِ ھدا ھمنچو کسان انت کہ یک جاگھے پرایی ءَ گیشینگ یا درچنگ ءْ بندگ بوتگ ؟چنگیز ءَ را گوشگ بوت کہ مسیت ءْ ھداءِ لوگ ءِ زانتءْ پکر مذھبی ملا قاضیان داتگ ، اے ھمیشانی گوشگ انت کہ نست بنی آدم ءِ زوراورین ھدا ءِ لوگ انت ۔چنگیز خان مسیت ءَ پترت ءْ ھکمی کرت کہ درستین ملا ءْ قاضیان کہ بندی انت آھان ءَ یلہ دیگ بہ بیت ءْ ھر ملایے کہ بندی نہ انت آھان ءَ ھم گوشگ بہ بیت کہ درست بیاینت ءْ مغلانی اسپانی کدیمی بہ بنت ،گون اے حکم ءَ درستیں ملا ، پیش امام ، قاضی یلہ کنگ بوت انت ءْ آھان مغلانی اسپانی کدیم کنگ ءِ کار بنگیج کت ۔
کدیم : کاہ ، جو ءْ اسپ ءِ وراک ءَ گوش انت ۔

شے رگام ، کتاب : دل پہ مھران ءْ چم پما آزاراں زرانت ، تاکدیم ۱۳۶
ref:1.weatherford,op.cit.p:6