چھبار ۵۲ سال پیش
سال ۱۳۴۱ ات ، من ۶ کلاس ھیچان ءَ ھلاس کت ،آ وھد ءَ من ءَ ۱۶ سال ات ، من ءْ موسی احمدی دیم پہ چھبارءَ سرگپتیں ، آ وھد ءَ چہ پھرہ دانکہ چھبار ءَ یک ماشین راھے ات کہ پست ءِ ماشین ءَ ھپتگے دو رنداں روآ کتگ ات ۔ما وتی سامان کہ پیلگے اوشاپتین برنج ، چنت پیشبند نا ات ، گون وت ءَ زرت انت ءْ امریکی جیپ ءَ سوار بوتیں ، آ ماشین چہ پھرہ ، بنپور ،اسپکہ ،ھریدگ ، پیپ ،تنک سرھہ ، ھیچان ، گہ ، نوکین جاھان ، مومان ، پارگ ، تیس ، چھبار ءَ سر بوتگ ات ۔
ما مگرب ءَ رند چہ تیس ءِ کوہ ءِ برزا چھبار ءِ لیٹ بزان چراگ دیست انت ، درگی ءَ ماشین ءَ ترمانتر کت ، برزگے ءَ سرکپت ، ریک بڈوک ات ، اسپیتیں گنبدے زاھر بوت ، چہ گنبد ءِ راستی کش ءَ ما چھر کت ، سید گلام رسول ءِ گنبد ات ، کبلیی ءَ دیم ءَ شت ، چپی نیمگ ءَ چھر کت شھربانی ءِ دپ ءَ اوشتات ، گلین بانے ات ، پاسپانے داریں کیوسکے ءِ لاپ ءَ اوشتاتگ ات تریاکی گجریں پیرمردے ات ، ماشین ءِ لاپ پشت چارت ، پہ روگ ءَ اشارہ کت ، رند ءَ ما پھم ات اے پلیس ءِ ادارہ ایسپ دشکی ییگنت ، حکومت ءَ کریھ کتگ ، برزا داریں لوگے ات ، ٹنگ ٹنگ ات رییس شھربانی ءِ لوگ ات ۔ ماشین کمے دیم ءَ شت ، راستینی نیمگ ءَ چھر کت چھبار ء، بازارات کہ کہ اگان دراجی ءَ بہ شتین دریا ءَ سربوتگ ات بلے دبستان شاھپور ءِ دیوال ءِ ھلاس بیگ ءَ چپی دست تاب وارت ، ءْ مزنین چیچک ءِ بن ءَ اوشتات ، چیچک ءِ دیم پہ دیم ءَ دار تگردیں کافہ ییے ات ، کرکی ءِ کافہ ۔ ما ایر کپتین دو دو چنڈ سارتں ماھیگ وارت ، دیم پہ وتی لوگ ءَ شتیں ۔koroki ایرانی مردکے ات ، چو دار ءَ ھشک ، تریاکی ییے ات ، ۔ جاری انت ۔۔۔۔
ما مگرب ءَ رند چہ تیس ءِ کوہ ءِ برزا چھبار ءِ لیٹ بزان چراگ دیست انت ، درگی ءَ ماشین ءَ ترمانتر کت ، برزگے ءَ سرکپت ، ریک بڈوک ات ، اسپیتیں گنبدے زاھر بوت ، چہ گنبد ءِ راستی کش ءَ ما چھر کت ، سید گلام رسول ءِ گنبد ات ، کبلیی ءَ دیم ءَ شت ، چپی نیمگ ءَ چھر کت شھربانی ءِ دپ ءَ اوشتات ، گلین بانے ات ، پاسپانے داریں کیوسکے ءِ لاپ ءَ اوشتاتگ ات تریاکی گجریں پیرمردے ات ، ماشین ءِ لاپ پشت چارت ، پہ روگ ءَ اشارہ کت ، رند ءَ ما پھم ات اے پلیس ءِ ادارہ ایسپ دشکی ییگنت ، حکومت ءَ کریھ کتگ ، برزا داریں لوگے ات ، ٹنگ ٹنگ ات رییس شھربانی ءِ لوگ ات ۔ ماشین کمے دیم ءَ شت ، راستینی نیمگ ءَ چھر کت چھبار ء، بازارات کہ کہ اگان دراجی ءَ بہ شتین دریا ءَ سربوتگ ات بلے دبستان شاھپور ءِ دیوال ءِ ھلاس بیگ ءَ چپی دست تاب وارت ، ءْ مزنین چیچک ءِ بن ءَ اوشتات ، چیچک ءِ دیم پہ دیم ءَ دار تگردیں کافہ ییے ات ، کرکی ءِ کافہ ۔ ما ایر کپتین دو دو چنڈ سارتں ماھیگ وارت ، دیم پہ وتی لوگ ءَ شتیں ۔koroki ایرانی مردکے ات ، چو دار ءَ ھشک ، تریاکی ییے ات ، ۔ جاری انت ۔۔۔۔
No comments:
Post a Comment