بانک کریمه ءَ گون دانکے !

بانک کریمه ءَ گون دانکے !

بانک شمئے جهد و جفا دنیای دیم ءَپه بلوچ ءِ بزگی ءِ شونداری ءَ سدانی سلام ی لایک و عزت ءِ مڑاه انت و ستاه لوٹ ایت .

بلوچ راج مرچی یک هنچین جغرافیای ءِ تها ساه کشگ انت که اودان زندے جند گون مرک ءَ هم تنگ انت که نه ، بلکین بے پارسنگ انت . هر روچے ٹک و ایرنند تو گشے مرکے چیهانٹے که انسانیت دل ءَ داگ پر داریت . بلوچ ءِ مرک ماں وتی گلزمین ءَ هنچو ارزان بیتگ که هر زوراکے وتی زورءِ گلمیهی ءَ بلوچ ی سرزمین ءِ دلبند ءَ ٹُک ایت . بلے بلوچ ءَ اے میار ءِ گم نه مرچی بلکین چه شست سال پیش گون انت . زالم و زوراک وتی تمردی ءَ مرد انت اگن نه حق و نا حقی گون زور ءَ سودا نه بیت .زمین ءِ جه منند این فرزند گون وتی حق و راستین ستک ءَ سر و ساهانی سودا ءَ جنئگ انت . بلے مرچی کئے انت که گون اے توار ءَ هم تواری کنت ؟ بس همے گندگ بیت که بلوچ کشی ارزان بیتگ که هچ انسانی واهگ دارین اداره هم دلجمین همدلی و هم تواری ءَ برمشے ءِ ڈاه ءَ دات نه کنت . بلوچ، وتی بزگی ءَ وتی ارس و زهرگ ءِ هاٹی ءَ جاگه دنت و کینگ ایر بارت بلے انسانیت گون کجام دپ و تام ءَ انسانیت ءَ په بلوچا مانا کنت بگندے اے نسل سرکچ موارت و پشت پدی چه اے انسانی لج ءَ میارے بداریت . بلے زاهرا مرچی کسے نیست که بلوچ کشی گرانین بار ءَ انسانیت ءِ دردانی پلو ءَ به بندیت . و ما را امیت انت تئی اے سپر انسانی مارشتانی بلوچ ءِ درد ءِ همدلی و همراهی ءِ یک بنداتے به بیت .

ک . باشنده