بلوچستــان ءِ پليــں شهيـــدان ءَ هـــزاراں ســــلام

 ايرانی رستريـں واکـداراں مروچـی  بيست ءُ شش اکتبـر ءِ بامگاه ءَ شانزده سياســی بنديگيــں بلـوچ ءَ ماں ايرآپ ( دزآپ ، زاهدان ) ءَ پاهـو دات ءُ يکرنــدے دگه وتی رستـــری کينگاں بلــوچ راج ءِ سرا درشــاں کتنـت. ناشريـں ايرانی واکداران ءُ آهانی دمگـی جــلاداں که بلوچستــا ن ءِ جاوران ءُ بلوچ کـوم ءِ زند اِش چه جهنـدم ءَ گنتر کتگ انسانی هکانی دژمن ءُ انسانانی بدواه انــت. اشان ميـان استمانی کانود ءُ رهبندانـی منکــر انت ءُ انسانيـت ءُ دين اســلام ءِ رهبنـداں مدام لگتمال کننــت. گوں بنديگيــں بلوچ ورنايانــی  کشـت ءُ کـوش  لوٹنــت چه گلزميــنءِ مزاريـں سرمچاراں بيرگيری بکننــت.اگاں چه ايرانی جاهـل ءُ انسان دژمنيــں واکداراں سرپد  نه بنـــت که بلوچستــان ءِ هک لوٹــی کاروان ءِ جهدانـی ديمــا گوں زورانسری ءُ کشــت ءُ کـوش داشــت کــت نکننــت بلئــے دلجم به بنت که گـوں هونـواری ءُ بيرگيــری ماں بلـوچستــان ءَ باج نه برنـت. اـے همـا تاريخی درس انت که زورانسريــں صفوی ءُ گجــر بادشاهـاں ديگ بوت بلئـے هنوگيـں فاشيستيــں  واکداراں گوشينئـے شموشتـگ.  

بلوچستــان ءِ راجـی جهدکار ءُ سياســی بنديگاں که مـاں  واکدارانـی  بنديجـاه ءَ ماں ايـرآپ ءَ شهيــد کنـگ بوتنت بلــوچ شهيدانی بيگناهی ءُ پاکـی ءِ شانـزده  درور انـت. درستانـی گنـاه ءُ ميــار آزاتی پسندی ءُ فاشيستانی هلاپ ءَ جد ءُ جهـــد اَت. آ  ڈنـی واکدارانی زلم ءُ زور ءِ ديما وتی  ســر جهــل نکـت ءُ تاں ابــد سربلنــد ءُ نميــران بوتنـــت. ايرآپ ءِ پليــں شهيـــداں  شهيــد عبدالمالک میر بلوچ زهـی ( حمزه ریگـی ) ، شهيــدعبدالوهاب ریگـی ، شهيــد مهر الله ریگـی، شهيــد نوید شجاعــی  ، شهيــد حبیب الله ریگی نژاد شورکـی ، شهيــد حامد وکالـت ،  شهيــدبشیراحمد حسین زهـی ،  شهيــد ناظــر ملازهـی، شهيــداحمد حسین زهــی هور گوں شـش دگه پاکيـں شهيــد ( اشانی نام انگت ءَ پـَـدّر نهنـت) بلوچستــان ءِ شهيدانـی دراجيــں کاروان ءَ هـور بوتنــت ءُ گوں وتی شيرکنيــں زنــد ءِ ندر کنگ ءَ گلزمين ءُ بلوچ راج ءِ آزاتی ءِ مستاگ اِش دات. بلوچستــانءِ پليــں شهيـــدان ءَ هـــزاراں ســــلامپروشت ءُ پروش باتنــت ايران ءُ پاکستان
آزات ءُ آبـــاد بات گنجيـــــں بلـوچسـتــان
محمــد کـريـم بلــوچ
بيست ءُ شش اکتبــر ۲۰۱۳