تمپ -3 ستمبر 09ءَ زبیدہ جلال دگ تمپءَ پاکستانءِ سیمسری فوجءِ سرا بلوچ رپبلکن آرمیءِ سرمچاراں بیڑ برت۔ إے بیڑا ھفت فوجی کشگ و پنچ ٹپـّی بوت أنت۔ فوجیانءِ جوابی تیرگواریا بلوچ سرمچارے شھید بوت۔ إے سرمچارءِ نام میر جان میرل إنت۔ میرل مان تمپ نندوک بیتگ۔ آئی بلوچی زبانءِ یک جوانے شاعرے ھم بیتگ۔
سرمچارانءِ إے بیڑا سرکاری واکاں مرتگيں فوجی دو کس ظاھر کت أنت و آوانءِ نام ظریف خان و وزیر خان شنگ کنائینتگ أنت۔ إیشانءِ کشا ھاشم، أللہ دتا و نائک مصطفا نامیں سئے فوجی ٹپـّی بیتگ أنت۔ پاکستانءِ فوجیاں سرمچارءِ جسد دست گپتگ و وتی ٹپـّی پہ دوا درمانا ماں تربت سر کتگ أنت۔
ھندی حالکارےءِ ردا ھمے بیڑءِ سببا سربَتگیں فوجیاں دوشییں شپا ماں تمپءِ نزیکی ھند 'نظرآباد' جاہ منندیں بلوچ ندکار علی جان قومی گوں آئیءِ زھگ مجاھدءَ دستگیر کتگ۔ علی جان قومیءِ شعرانءِ یک کتابے ھم شنگ بیتگ۔
علی جان قومی و مجاھدءِ دستگیری، و دگہ فوجی زوراکیانءِ خلافا جمعه 4 ستمبرءَ تمپ و کش گوَرءِ جنیں آدماں تربتءَ ظاھری دات۔ آودا سرکاری واکاں آوانءِ سرا گوں لٹ و تفنگانءِ کونداکاں بیڑ برت۔ إیشانءِ سببا بازیں جنیں آدم ٹپـّی بوت أنت۔ حال إنت کہ ٹپـّیانءِ نیاما بانک کریمہ بلوچ ھم ھؤر إنت۔
سرمچارانءِ إے بیڑا سرکاری واکاں مرتگيں فوجی دو کس ظاھر کت أنت و آوانءِ نام ظریف خان و وزیر خان شنگ کنائینتگ أنت۔ إیشانءِ کشا ھاشم، أللہ دتا و نائک مصطفا نامیں سئے فوجی ٹپـّی بیتگ أنت۔ پاکستانءِ فوجیاں سرمچارءِ جسد دست گپتگ و وتی ٹپـّی پہ دوا درمانا ماں تربت سر کتگ أنت۔
ھندی حالکارےءِ ردا ھمے بیڑءِ سببا سربَتگیں فوجیاں دوشییں شپا ماں تمپءِ نزیکی ھند 'نظرآباد' جاہ منندیں بلوچ ندکار علی جان قومی گوں آئیءِ زھگ مجاھدءَ دستگیر کتگ۔ علی جان قومیءِ شعرانءِ یک کتابے ھم شنگ بیتگ۔
علی جان قومی و مجاھدءِ دستگیری، و دگہ فوجی زوراکیانءِ خلافا جمعه 4 ستمبرءَ تمپ و کش گوَرءِ جنیں آدماں تربتءَ ظاھری دات۔ آودا سرکاری واکاں آوانءِ سرا گوں لٹ و تفنگانءِ کونداکاں بیڑ برت۔ إیشانءِ سببا بازیں جنیں آدم ٹپـّی بوت أنت۔ حال إنت کہ ٹپـّیانءِ نیاما بانک کریمہ بلوچ ھم ھؤر إنت۔
Source: www.balochinews.com
No comments:
Post a Comment