مان سوئدءِ بنجاهی شهر بزان استکهلمءَ په بلوچستانءِ نمیران و "بلوچستانءِ ورنایانی انصاف لوٹیں گوانک" ء پاگ واجه شهید یعقوب مهرنهادءِ یاتءَ پرسی دیوانے برجم دارگ بوت.
دیوانءِ رد و بند دیوک واجه محمد زین الدینی مان سوئدی زبانءَ دیوانءِ نندوکانءَ وش آتک گوشت و پدا شهیدءِ باروءَ گپ و تران کت.
مان اے دیوانءَ ابید چه بلوچان سوئڈنءِ مودرات ِ،فولک پارٹی، سنتر پارٹی،سوسیال دمکرات و حقوق بشرءِ نمایندگان ھم بهر زرت و ھور گوں سوئدءِحکومتءَ ماں وتی کلوہءَ چہ ایرانءِ حکومتءِ نیمگا انسانی حقانی پادمالیءَ وتی نه وشی شون دات و گون بلوچان وتی ھمدردی اعلان کت.
هنچوش ایرانءِ هورین راجانی تنظیمانی نمائندگان چوش که ترک عرب وکرد که مان اے دیوانءَ بهر اش زُرتگ ات کلوه دیم داتگت هن وتی نه وشیءِ توارءَ اعلان اش کت.
مان اے دیوانءَ واجه ناصر بلیده ای ، واجه مهیم و دگه لهتے چه بلوچان شهید مهرنهادءِ باروءَ گپ و تران کت.
دیوانءِ سجئین بهر زُوروکان اے بلوچ نسل کشیءُ په نمیرانین یعقوب مهرنهاد وُ آئیءِ همراهانءِ بیران بوئگءَ یک پدے دگه چه دلءِ جهلانکیان تسلیت گوشتُ و وتا را گون اهانی عزیزانی غم و اندوهان شریدار زانت.
No comments:
Post a Comment