ميان استمانی ديـوان «اسلـو فريـدوم فـوروم» بر جاه بـوت.
اسلــو فريـدوم فـوروم که سـال ۲۰۰۹ ءَ بنگيـج بوتگ وتی پنچمـی کانفرنـس ءَ ۱۳ تان ۱۵ مئی ءَ برجاه کـت. امبريگيـں ديــوان ءِ بهـر زوروک چه يـک سـد ءُ پنجاه ملـک ءَ آتکـگ اتنـت انسانی حقــوق ءُ آزاتی ءُ دمکراسی ءِ باروا وتی انساندوستی پگر ءُ هيالءُ مارشتان درشان کتنـت. بازينـے وتی همدردی ءُ پشتـداری چه دگنياءِ ايردستيــں راج ءُ آزاتی لوٹوکيــں انسانان پدر ءُ زاهر کـت.
آوارجتگيــں بلوچستــان ءِ خان سليمـان داؤدءُ راجـی سـروک ءُ رهدربــر واجـه هيــر بيار مری، بلوچستان ءِ راجـی زرمبش ءِ واجـه عبدالله بلــوچ ءُ بلوچ وائـس په بيگواهيـں بلوچانی نماينده پروفيسـر مصطفی کريم زاده، بلــوچ انسانـی حقانــی نماينـــده گـوں چنت دگه جهدکاريــں بلــوچ ماں اے مــزن ديـوان ءَ بهــرزرتـگ ات.
ديـوان ءِ بهــر زوروکيــں بلــوچ گـوں بازيــں مچی، هوربنــد ءِ نماينده يان بلوچستان ءِ جاوران ءُ بلوچ راج ءِ باروا گپ ءُ تران کـت ءُ ايرانی ءُ پاکستانی واکدارانی بلــوچ کشـی ءِ هلاپ ءَ وتی تـوار برز کتنـت ءُ بلوچ راج ءِ حک لوٹی ءِ گوانک يک جوانيــں دابـے دگنياے ءِ باز ملــک سر کــت.
چـه امريـکاے ءَ بگــر تاں تبـت چه مالـی ءَ بگــر تان اندونيزيا چـه اوگانستــان ءَ بگــر تان ونزوئــلا چـه روس ءُ بيـلا روس بگــر تاں کامرون چه اسلـو ءَ بگــر تاں قطــر بلــوچ راج ءِ کلــوه راه ديـگ بــوت.
چـه امريـکاے ءَ بگــر تاں تبـت چه مالـی ءَ بگــر تان اندونيزيا چـه اوگانستــان ءَ بگــر تان ونزوئــلا چـه روس ءُ بيـلا روس بگــر تاں کامرون چه اسلـو ءَ بگــر تاں قطــر بلــوچ راج ءِ کلــوه راه ديـگ بــوت.
نــروژ ءِ پارلمـان ءِ ديمــا تظاهــرات
شمــارے چــه بلوچستــان ءِ شهيدانـی فوٹــو ( اکـس ) مردمـاں پيـش دارگ بوتنـت ءُ بلـوچستــان ءِ انسانــی حقانـی لگتمالــی ءِ باروا سـدانـی سـد کاگــد ءُ پمفلـــٹ رهگــوزيـں مهلـوک ءَ ديـگ بوتنـــت.
گنــد وننـــد گـوں نــاروے ءِ سياســی واکــداراں
شانزده ۱۶ مئی ءَ خان کلات ، واجه هيربيار ءُ واجـه عبدالله ءُ بلوچستــان ءِ انسانـی حقانی انجمن ءِ نماينــده گـوں وتی همراهـاں نــروژ ءِ وزارت خارجـه ءَ شت انت ءُ گـوں وزارتخانـه ءِ نماينـده ديوان کـرت. ماں اے ديوان ءَ بلوچستان ءِ جـاورانی باروا گپ ءُ تران بـوت-. بنديگيــں مولوی نقشبنـــدی ءُ بلوچ بنديگانـی مسئلـه ءِ ســرا گـوں پدريــں « فاکتـــس »گپ بوت. پنجاپ ءُ پارس ءِ بلوچ دژمنيـں سياســت ءُ کارکرداں چوش که بلوچستان ءِ راجی سرمايه هانی پل ءُ پانچ، بلوچ ڈيــه ءَ په زورانســری بهــر بهــر کنـگ، ايران ءُ پاکستانءِ هـکومتی (دولتـی) تروريســم ءُ بلـوچاں ايـر دسـت دارگ هـم ديوان ءِ ترانانی بهـرے اتنت. چه نـروژ ءِ نماينـده لوٹگ بـوت کـه پاکستــان ءُ ايـرانی واکــداران ءَ زور پربدينـت تـاں بلوچانــی گـر ءُ بنــد ءُ کشت ءُ کـوشءَ بنـد بکننــت.
ديوانے گــوں ناروے ءِ جاهمننديــں بلوچــاں
۱۵ مئـی ءِ بيـگاه ءَ نروژ ءِ جاهمننــديں بلوچـاں گوں آتکگيـں مهمــان ءُ ســروکاں ديـوان کت. اے ديوان ءَ واجه هير بيار وتی آجويی پسنديں هيال پدا درشان کتنت. هورگـوں پروفيســر کريـم زاده ءُ واجـه عبدالله ءُ واجه محمــد زيـن الدينی ءَ ديوان بهـرزوروکـانــی جست ءُ پرس پسـو داتنــت.
پروشــت ءُ پــروش باتنــت ايران ءُ پاکستــان
آزات ءُ آبــاد بــات گنجيــں بلــوچستـــــــــان
محمد کـريــم بلـــوچ
آزات ءُ آبــاد بــات گنجيــں بلــوچستـــــــــان
محمد کـريــم بلـــوچ
هـژده مئـی
۲۰۱۳
No comments:
Post a Comment