بلوچ رپبلکن پارٹیءَ چکانپگ بیتگیں 147 بلوچانءِ لڑ شنگ کت و شہ 'سرجمیں ملکانءِ ھوربند'ءَ لوٹ کت کہ پہ إیشانءِ رکـّینگا جھد بہ کنت۔ إے 147ئیں مردم ھنوگیں -باچکلو -جھموری رواجءِ دئورا چکانپگ بیتک أنت۔
چکانپگ بیتگیں مردمانءِ لڑا جلیل ریگی، چاکر کمبرانی، عبدالودود رئیسانی، نجیب بلوچ، قادر بلوچ و جھانزیب جمالدینی ھؤر أنت۔ دیمترا گشگ بیتگ کہ چکانپتگیں سرجمیں مردم ماں مچ و ڈیرہ مراد جمالی بندیگجاھا بندیگ أنت۔
ھمے درگتا یک حالے شنگ إنت کہ پہ بلوچ بندیگ و جان سولکیءِ آزاد کنائینگا میر خیربیار مریءِ سروکیا أڈ کنگ بیتگیں 'بلوچ قومدوست کمیٹی' پرؤشگ بوت۔ کمیٹیا پروشگءِ سبب پاکستانی واکانءِ بے سری ظاھر کنگ بیتگ۔ آنلائن
Source: www.balochinews.com
No comments:
Post a Comment