Sunday, January 1, 2017
گلزمین ءِ تلاهیں کوه ءُ نوکیں ٹیل ءُ گیسءِ مــأدن
گوستگیں سال ءِ جنوری ءَ ایرانی میدیاے ءَ جار جت که ماں "زاهدان" بزاں دُزآپ ءِ نزیکءَ تلاهیں کوهے هست ءُ چنت ماه ءَ رند هال اِش دات که ایرانی کواس ءَ انجیںیراں (مهندسین ایرانی) چه کوهءِ ڈوک ءُ تلاراں بازیں تِست گپتگ۰ آ تِستاں پیش داشت که ماں گلزمین ءِ آ کوه ءَ هنچیں مزنیں سُهر ءُ تلاهے هست که ایرانی یاں دگه جاهءَ نه دیستگ بوت کنت که اے ایشیاےءِ مستریں سُهر ءِ هزانگ به بیت. اداں گوَشگــی انت که اے کوه بزمان ءُ دزآپ ءِ نیام انت ءُ هنون ایرانی لشکر ءُ رستریں سپاهی اوداں چاروگی کنگاینت۰
اگاں چے ایرانی میدیا چه گل ءَ بال بوتنت ءُ هر واننده یا ناوانندئیں ڈنّی بزاں پارس چه بلــوچ گلزمین ءِ اے مزنیں هزانگ وت سرا هساب ءُ کتابے دات بلئے راستیں گپ ایش انت که گلزمین ءِ اے سُهرءِ هزانگ بے درور انت۰ ماں گلزمین ءِ اے کوه ءَ سهرءُ تلاهءِ کساس ماں هَمُک تُن (ٹن) ڈوک ءَ دو گِرام انت۰ البت په سهر ءِ در کنگ ءَ باید انت اے ڈوک پروشگ ءُ هورت کنگ به بنت ءُ گوں برزیں حرارت بزان گیش یک هزار ءُ شست ءُ چار(C° ۱۰۶۴،۴۳ ) درجہ ءَ گرم کنگ به بنت تنکه سُهـرءِ جِند آپ به بیت ءُ رندا چه ڈل ءُ ڈوکاں درآرگءُ جتا کنگ ببیت۰
همے باروا بدیں هال ایش انت که ایرانی واکدار ءُ خصوصی کمپنی ( گئیر بلــوچ ) دست ماں دست داتگ ءُ بلوچانی اے سُهرءِ هزانگ ءَ دزگ ءُ پل ءُ پانچ گنگاینت۰ ایرانیانی سلهبندیں سپاهی ءُ هونواریں لشکرهم آهانی پاسبان ءُ چوکیدار اَنت ءُ ماں اے مزنیں دزّی ءَ شریک انت۰ هنـــون اے هزانگ ءِ بے دروریں ڈوک چوش که بزمان ءِ تلاهیں شند ءُ هاک، پَنّوچءُ نیلگ ءِ ڈوک، تپتان ءِ معدنی ڈوک ءُ کوه بیرک ءِ آسن ءِ ڈوک چه بلوچ ڈ یهءَ لڈگ ءُ دیم په کرمان ( کارخانه سرچشمه مس در کرمان ) ءُ اصفهان ( کارخانه ذوب آهن مبارکه اصفهـان ) ءَ بَرگ بَنت.
اداں گوشگی انت که پاکستانی انسان دشمنیں واکدار، مهاجرءُ پنجاپیانی کمپنی بلوچستـان ءِ اے مزنیں راجی سرمایہ بزاں سوئی ءُ پیرکوه ءُ لوتیءِ گیس ءَ چه ۱۹۵۰ ءِ سالاں دزگ اَنت ءُ کراچی ءُ پنجاپ ءَ برگایینت۰ پنجاپ ءِ هونواریں لشکرءُ پئوج ءُ پاکستانی بلــوچ دشمنیں سیاسی اداره هم ماں اے مزنیں دزّی ءَ شریک ءُ هوارانت۰
آزات ءُ آبــاد بــات گنجیــــں بلوچستـــــانپروشت ءُ پروش باتنت ایـران ءُ پاکستـان
محمد کریم بلــــوچ
جنوری ۲۰۱۷
No comments:
Post a Comment