مغربی بلوچستانءَ قومی جھد ءُ آجوئيءِ لوٹءِ پد منتگيءِ سبب

Samandar Askani‎بحث آزاد

5 tim · 

مغربی بلوچستانءَ قومی جھد ءُ آجوئيءِ لوٹءِ پد منتگيءِ سبب

ایرانی مذھبی رجعت پسندیں حکومتءَ مغربی بلوچستانءِ بلوچانی زند سک نگیگ کتک۔ بیروزگاری سک باز انت۔ حکومتی امور ببیت یا معاشی بنجاہ ھر کجا بلوچءَ بلوچستانءِ تها زبھر کنگ بوتگ، بلوچ وتی چنڈین نان پا بے احتراميءِ سرا گرنت ءُ وتی زھگانی لاپان سیر کنت، گرانی سک باز انت وراکی سامانءِ درگیجءَ مردوم سک دلسیا انت، بلے نشہ ای سامان پا آسانی ءُ ارزانی و ھر کجا دست کپیت کہ بلوچ سیر لاپ مبیت ءُ گون نشہ ای زند ءُ رسوا ببیت تاکہ آئيءِ نسل گار ببیت۔ ھر ادارہءِ مستر و کستر زابلی فارس انت کہ ایشان بلوچانی ازلی قومی ءُ مذھبی دشمن انت۔ زابلی بلوچستانءِ مزین شھرانی تھا گون سرجمیں رجعت پسندیں حکومتی پندلان اکثریتءَ تبدیل کنگ بوتگ انت. شرترین گس ءُ جاھان ھمے زندگی کن انت، چابھارءِ کلین اقتصادی چست ءُ ایر ھمیشانی دستءَ انت، بلوچ زرءِ ماھیگان ایرانی ٹرالرانی ذريعه گرگ بنت تھران ءُ دیگہ جاھاں پا گرانیں نیادءَ بھا کنگ بنت چہ اے زران یک ریالءِ ام بلوچستانءَ سر نہ بیت۔ ٹرانسپورٹءِ سر مستر ھم ھمے اش انت کہ ھر سال میلیونانی ڈالر ایشان کٹ کن انت بلے بلوچءَ یک آنائے ام نہ دئینت۔ بلوچ معاشی طورءَ سک بد حال کنگ بوتگ آئی مجبور کنگ بوتگ کہ کساس 100 ڈالرءَ ایرانی مذھبی رجعت پسندیں حکومتءِ تفنگءَ بڈا بہ کن و وتی براتان لب و ملام ءُ آئيءِ چاروگيءَ بہ کن انت۔ اے عکس تھا نیکشھرءَ زابلی رجعت پسندیں واکان کماشین بلوچان چون پا سبکی بے احترامی پا 100 ڈالرءِ خاطر پیش داریت ءُ پدا گواش انت که بلوچ نافهم انت ايشان هر داب کار مرز کت کن اين.