(مـاتیں گلـزمین آجــو بـات)

Ghulam Ghafoor Jallab Zai

7 tim · 

(مـاتیں گلـزمین آجــو بـات)

مـاتیں گلـزمین گــوں ســھر ءُ زیـوراں نـالـــگاں اِنت کــہ مـن شمئے مــات آں مـن ءَ پــرچـا شـما چُـش کُتــگ منـی چُـکّ ءُ چـوریـگ نـالــــگ ءَ اَنت پـہ زرّ ءُ زیـور مــــن ءَ شمـا دگــرانی دسـت ءَ داتـگ پـــرچا!

مـن وت تـلاھیـں گلــزمینیّ آں شمـا دگــہ جـاگــہ ءَ رو اِت پـہ تـلاہءِ پٹـّگ ءَ بیـا اِت منـی کــر ءَ ءُ پــرچـا شمـا مــن ءَ چـوں ڈنیـگانی دیـم ءَ رسـوا کُتـگ!

پھـل کـن پـلیں گلـزمیـن ھـو اے گـپ راسـت اِنت تئی وتی ھلـک ءَ زرّ ءُ زیـور بـاز اِنت مـا روایں ڈنّیـانـی مُلـک ءَ پـہ زرّ زیـورے دُمــب ءَ پـد ءَ مـارا دگــرانی مُلـک ءَ ھـــــرید ھـم نیسـت بلـے بـژن ءِ گـپ ایش اِنت کــہ مـا ڈنی آؤرتـــگ اَنت جـاگـہ داتـگ اَنت

ءُ وتـی جـاگـہ اِش وش کُتـگ ءُ نـو دلمـانـگ اَنت مـارا چــہ وتـی ھلــک ءَ بـِہ رمبین آں ءُ ایشـانی لگـت مئـے سینـگانی سـر ءَ ایــر اَنت ءُ مــارا وتی نـوکـــر اِش ھسـاب کـرتــگ

اول ءَ مـا ڈنیـانی ملــک ءَ درامــــدیں جــاور ءَ بـوتـگ اِیـں بلے ھنـّی مـا وتـی ملـکاں درامــد ءِ ھسابءَ اِیـں پــرچـا مـا درامــدءِ ھسـاب ءَ ایں ،

بلے ایشـی ءِ سـوب ایش اِنت کــہ تئـی پُســّگ ءُ ورنـاھــاں تپـاکی نیسـت ،اے درُســت چـــــہ نـا تپـاکـی ءَ آتکـگ مــا گــوں وتی بــراتاں دُژمــن ایں گــوں درامــداں دوسـت

نــی مـات گـوش ایت ----

شمئے تـوار ءَ دراھیـں دگنیــا لــَرزان اِنت کــہ بلــــوچ راج چــونیں راجـے شمئے کـــرّا َ تــوام اِیـں دگنــیا تــُرس ایت بلـے ھمکـوپــگ بـــہ اِت ءُ تپــاکی بیــار اِت تپـــاکی ءِ مٹ نیست انـت منـی چُــک مـــن یـک کســہ ءِ تــرا جـن آں دے آں گـوش کـــن

یــک مـــردے ءَ وتــی دست چُـــک ءِ کـوپــگ ءَ ایــر کـُت ءُ گـوشت ئِـے منـی چــُکّ مـن ڈڈ تــر آں یـا تــو چــُک ءَ پسو نــہ دات پــدءَ پـت ءَ جُسـت کُــت منـی چــُک مـن ڈڈ تر آں یـا تــو پــدءَ چُــک ءَ پسـو نـہ دات سَیمے رنــدءَ پـت ءَ دست چــہ وتـی چـکُ ءِ کـوپـگ ءِ سـر ءَ چِسـت کــُت ءُ گوشت ئِے

منـی چــُک مــن ڈڈ تــر آں یـا تـو چُـک ءَ گـوشت تــو پت ءَ گــوشت مــن تــرا دو رنــدءَ جُســت کـــُت تــو پــرچـــــا پســو نــہ دات چُـــک ءَ گــوشت آ وھــدی مــن ڈڈ تِر بوتگ آں بلـے وھــدیکــہ تــو وتــی دسـت چــہ منـی کــوپـگ ءِ سـرءَ چِست کــُت نــوں مـن پــروش وارت.

آ وھــدی کـــہ تئی دســت منی کـوپــگءِ ســرءَ ایـــر اَت مـن تـوامیـں اے دگنــیاءِ مــردمـاں گیـش اِت آں

تپــاکـی ھمش اِنـت تپـــاک بـہ بیـت دســتاں یکـــدگــر ءِ کــوپـــگ ءَ ایـر کــن اِت بے تپـاکی ءَ ھـچ نــہ بیت

Ghulam Ghafoor Jallab Zais foto.