ا کتگ اَنت بلے پژنی گپ اِنت کہ انچک زُلم ءُ زوراکی کہ مئے سرءَ بوگائیں بلے ما سرپد نئیں نہ ما وتی ھکاں سرپدیں نہ وتی بلوچی بزانتءَ سرپدیں اگاں ما چیزے زانیں گڑا وتی براتانی سرءَ دنتان نجینگ ءُ وتی براتانی ڈلُکی ءُمناپکی کنگ زانیں کہ دست بدواھاں کشارینین اِش بلے سُد ءُ سمائیں نیست کہ ما آیانی دستءِ چیرءَ گلام اِیں ءُ ما وتی واجہ وت نہ اِنت,اے چارپادیں گجرءُ لونڈو مئے دودءُ ربیدگانی گاری ءُ بیگواھیءں رندءَ اَنت مئے مال ءُ مڈی ءُ زر ء. گنجاں چہ ما برگءَ اَنت مئے سرزمینءِ درستیں مال ءُ مٍڈیاں چہ وتی مزنیں شھراں اَڈکنگءَ اَنت بلے ما سھی نہ اِیں پرچا کہ ما گلامیں آ مئے واجہ اَنت یک گجرے چہ زابل ءُ لار کئیت بلوچان شھمات پہ شھمات کنت ءُ چہ بلوچی کُٹا بارت بلے انگت ما گوشیں ما بلوچ اِیں اگاں بلوچی نامے وتی چُکءَ پر بہ کن ئے گجر ءِ کبول نہ کنت کہ کمبر چی ئے بالاچ چی ئے اے نام بے فرھنگی نام اَنت بیا وتی چکءِ نام پرشید بہ کن کہ بلوچیءَ پر زاھے بلے ما انگت گوشیں کہ ما ایرانی اِنت ما پاکستانی اِنت بلے وتی بلوچی ءَ سرپد نہ اِنت وتی سرزمینءِ نامءَ بیھال اِیں کہ چہ مئے سرزمینءِ مال ءُ مڈیاں آیاں چہ وتی زوراکیءَ مارا زور گپتگ ءُ گلام کُتگ پادا بلوچ وتَءَ پجاہ بیار کہ تو سرزمینے واجہ ئے تو گنجانی واجہ ئے پادا سسّاءُ پگر بہ کن وتَ چہ گجرءُ لونڈوانی زُلمءَ آجو ءُ آزات بہ کن چہ زُلم چیر ءَ کُشک ءُ بیران بوگءَ بھتراِنت وتی ساہءُ جانءَ ءُ وتی ھونءَ آزاتی واستَءَ ندر بہ کن کہ چہ تئی ھوناں بلوچستان سرسبز ءُ آجو بیت پادا او میریں بلوچ کہ تئی وتن دستءِ دژمناں پادا چہ وابءَ پادا چہ واب کہ تئی وتن ترا توار جنگائیں کہ منءَ آجو کن وتءَ آزات کن .پادا پادا پادا پادا...
اَلی جُمّا زامرانی
اَلی جُمّا زامرانی
No comments:
Post a Comment