بلوچ رھشون خیربیار مریءَ گوں خان آف کلات ءَ گند ءُ نند کُت

بلوچ رھشون خیربیار مری ءَ گوں خان آف کلات ءَ گند ءُ نند کُتگ،

نوکیں مستاگ: بلوچ رھشون واجہ خیر بیار مری ءَ ماں ”کارڈف لندن” ءَ خان آف کلات واجہ سلیمان داؤد ءَ گوں گند ءُ نند کُتگ۔ واجہ خیربیار ءَ ”چارٹر آف فریڈم بلوچستان” ءِ تاک خان آف کلات ءِ دست ءَ دیان ءَ دوئیں رھشوناں اے گپ ءِ سرا تپاکی درشانتگ کہ آزاد بلوچستان ءُ آزادی ءَ ”پد یک کسے بس ووٹے” ءَ ابئید، منطق ءُ دلیل ءِ بُنیاد ءَ چارٹر ءِ دگہ ھر رھبند ءَ بدلی سدلی آرگ بیت کنت۔

دوئیں رھشوناں اے گپ ءِ سرا ھم زور داتگ انوگیں وھد ءِ لوٹ ھمیش اِنت ، ءُ بلوچ راجی جُنز ءَ ماں دُنیا ءِ دیم ءَ جوانیں وڑی ءَ پیشدارگ ءَ اے کار المی اِنت کہ رھشوناں یک مُشت ءُ تپاک بیئگی اِنت۔ اے درگٹ ءَ چارٹر جوانیں کمکے کُت کنت۔

واجہ خیر بیار مری ءَ گُشتگ مئے گوں اختر مینگل ءُ دگہ رھشوناں ھم ٹیلیفون ءُ گپ ءُ تران بیتگ، تاکہ آ اے بابت ءَ وتی شور ءُ سلاھاں بِدینت۔۔۔

http://bamhal.blogspot.com/2012/02/blog-post_17.html