شهید یاکوب مهرنهادءِ پنچمی سالروچءِ شهادتءِ مناسبتءَ پرویز لاشاری

وهدے که تو شتئے

وهدے که تو شتئے

انسانیت هم شُت

اُمیتءِ لوگ آس گپت ءُ سوتک

په ناباوری من باور کت

باورمندی هم مُرت

وهدے که توشتئے

روچ اندیم بوت

تهاریے مان شان کت

زلم ءُ زلماتءِ جهان

دل چه کینگءَ سرریچ بوت

وهدے که تو شتئے

زمان اُشتات

جهان بے توار بوت

قلم پر کار ءُ

کاگد بے کرار بوت

وهدے که تو شتئے

نبشته ءُ گپتار زیات بوت

تئی ذکر ءُ ستا باز بوت

تئی پگر ءُ هیال؛ تئی جسارت

مان جهان ماندگار بوت

پرویز لاشاری

4 آگوست 2013