ایرانی مُلاھانی لشکر ءَ دو بلوچ زالبول شھید کُتگ

بام: ھالانی رد ایرانی ایردستیں بلوچستان ءِ دمگ پشامگ ءَ ایرانی فوج ءِ تیرگواری ءَ دو بلوچ زالبول شھید بیتگ، وھدیکہ یک زالبولے ءَ ھوار دو کسانیں زھگ ٹپی اَنت۔ روکپتی بلوچستان ءِ شھر پشامگ ءَ بلوچ زالبول وتی بُنکی لوٹانی ھاترا زھرشانی کنگ ءَ بیتگ اَنت کہ رستریں ملاھانی لشکر ءَ تیرگواری کُتگ ، تیرگواری ءِ آسرا دو بلوچ زالبول شھید بیتگ ءُ یک زالبولے ءَ ھوار دو زھگ ٹپی اَنت۔

گوستگیں روچاں ماں امریکی کانگریس ءَ منگ نامگے پیش بیتگ اَت، ایشی ءِ تھا اے گپ ھم دیم ءَ آرگ بیتگ اَت کہ بلوچ راج ءِ تاریخی سرزمین سئے بھراں ونڈ کنگ بیتگ، ایران ءُ پاکستان ءَ بلوچ راج ءِ سرا زُلم ءُ زیادتی بیئگ اِنت۔ بلوچ وتی حقانی لوٹ ءِ پدا کُشگ بیئگ ءَ اَنت۔ اے منگ نامگ ءَ رند ما ھمے گندگ ءَ اِنت ایرانی ملاھانی لشکر ءَ بد تریں رنگے ءَ بلوچ ءِ کُشت ءُ کوش بنگیج کُتگ۔ گوستگیں روچاں ماں روکپتی بلوچستان ءِ شھر لاشار ءَ ھم ایرانی فوج ءَ پنچ بلوچ شھید کُتگ اَت۔۔۔

http://bamhal.blogspot.com/2012/02/blog-post_1923.html