بلـوچستــان ءِ شهشنـابيــں سرزميــن که چـه نــروژ ءِ دوبـرابــرءَ هم گيــش انـت چه هزانـگ ءُ کـــُـدرتـی مـال ءُ مــڈ ی ءُ مادنـاں پرانــت.
اے پدريــں گـپ ءِ باوجـود بلوچستـــان ءِ هاله ئيــن واهنــد ءُ مالــک بـزاں بلــوچ راج اقتصــادی جــاورءَ دگـه راجانـی نيــام ءَ بــزگ ءُ وارتريـــں مــردم انـــت.
بلوچستــــان ءِ کيمتـــی سرزميــن گـوں ایران ، پاکستان ءُ افغانستانءَ پـه زور هـوار کنــگ بوتـگ ءُ استعمــاری سياستانـی نتيجــه ءَ بهر بهــر اِش کرتــگ.
آوارجتگيــں بلـوچستـان ءِ گئير بلــوچ ءُ ڈنــی يـں واکـدار په وتـی سياســی ءُ اقتصاـدی نـپ ءُ سيتــانی هاتــرا بلوچستــان ءِ هالتــان ءُ بلـوچ راج ءِ نگيگيــں جــاوراں مـاں وتــی ميديــاے ءَ په کســت چير دينــت يا که وتــی دل ءِ تــب اِش پيــش دار انــت.
بلوچستــان ءِ راجـی مـال ءُ مــڈی ياں شــپ ءُ روچ پـل ءُ پانــچ کنگاينــت. بلوچستــان ءِ ميلياردانـی دلار همــک ســال ءَ آهانــی کيســگان ءُ بانکــی هسابــاں پرتــر کننــت بلئــے لکانــی لــک بلــوچ وارتــر ءُ دســت تنگتــر بيگاينــت. گـوں درملکـی کمپنــی يانــی همــکاری ءُ مــدت ءَ زوربرديــں بلوچستــان ءِ کــُدرتــی مـال ءُ مادنــان درکنــگ ءُ په زور ءُ ٹگــی وتی ملکاں برگاينــت. اے پــڑ ءَ هچ کــس ءَ راستيـں هساب کتاب ندينـت.
اداں پدر کنگـــی انــت که بلــوچ ءِ راجــی مــال ءُ مـڈی بــزان بلوچستـان ءِ کــُدرتــی مـال ءُ مادنــانی پل ءُ پانــچ زاهريـــں گئيــر کانــودی کارے انت، آوارجتگيــں بلوچستــان ءِ کيمتی چيــز ءُ مادنانــی در کنــگ ميان استمانــی کانـود ءُ منــّــتگيـــں رهبندانــی هـــلاپ انـــت.
زوربرديــں بلوچستــان ءِ کـدرتــی مــال ءُ مادنانــی پــل ءُ پانـــچ ءُ بلـــوچ راج ءِ باز نگيگيـــں اقتصــادی ءُ سياســی جاوراں مــاں ايران، پاکستان ءُ اوگانستان ءَ پيش دارنــت که يــک گئيـــر بنــدوک ءُ آزاتيــں پٹ ءُ پـولـی مچــی ءُ تيمــے باز پکــار انــت، تنکـــه اے پـڑا چســت ءُ ائيــر به کنــت.
«بلوچستــان ءِ کـــُدرتــی مال ءُ مـادنـان ( معدنيات) ءِ پــٹ لــوٹــی مُچــّی»
اے لــوٹ ءِ پســو انــت. پــٹ لــوٹــی مُچــّی پــه بلوچستــان ءِ کــُدرتـــی مال ءُ مادنانـی کســاس ءُ انــدازه ءُ هاله ئيــں جــاورانی نـــزآرگ ءُ بلـــوچ راج ءَ اے بــاروا گيشتـرمالـــوم کنــگ ءِ کوشســت کنــت. همے پيمـــا کوشســـت کنگ بيــت تنکــــه مياں استمانـــی ميديـــاے ءِ دلگـــوش اے پـڑا ترينــگ به بنــت ءُ تپاکيــں راجانی هوربنــد ءُ انسانــی هکانــی هوربنـــداں اے باروا گيشتــر سهـی ءُ مالــوم کنگ بنــت. ديمتـرا پــٹ لــوٹــی مُچــّی اينترنــت ءِ سـرا وتـی چســت ءُ ائيــــر ءُ کارانــی بـاروا شنــگ کــاری ءِ کوشســت کنـت .
پـه اے مزنيــں کارءِ ديمبــری ءُ په آســرے ءَ رسينـگ همــا اگـــده دار ءُ زانتکاريــں بلوچانــی کمک ءُ مــدت پکار انــت که وتی راج ءِ بزگـی ءُ بی وسـی ءَ مارانــت ءُ چه بلــوچ مهـلـــوک ءِ راجی نــپ ءُ سيتـــاں سرپـد انـت
اے نبشتگيـــں پستی نشان ءُ اے ـ ميــلانـی سرا مارا کاگد ءُ کراچ کــرت کنيت.
Research Team
P.O. BOX 56
0623 OSLO
NORWAY
forskningssteam@hotmail.com
baluch.research@gmail.com
بلوچستــان ءِ کـــُدرتــی مال ءُ مـادنـان ءِ پــٹ لــوٹــی مُچــّی
اسلــو ـ شش ژوئـن ( جــون ) ۲۰۱۱
No comments:
Post a Comment