۱۷مئے سال ۲۰۱۴بیگاہءِ ساھت پنجءَ سوئڈنءِبنجاھی شھر بزان استکھلمءَ سمینارے بلوچستانءِ جاوڑانی باروءَ برجم دارگ بیت.
محمد زین الدینی بلوچستانءِ راجی جھدکار،دیوانءِ نندوکان ءُ ھنچوش دیوانءِخاصین مھمانانءَ وش آتک گوشتءُ بلوچستانے کومی شئیر وانگ بیت ءُ ھمئے پئیم پہ شھیدانءِ احترام کنگءَدیوان، یک منٹے بے تُرپءُ توار اوشتات.
راج دوستئین واجہ محمد زین الدینی ءَ گوشت کہ... بلوچانی وت کشین جھد ماں مغربی بلوچستانءَ لکانی ستا کرزیت ءُ مئی پرز انت کہ آھانی توارءُ پریاتءَ ڈنی ملکانءِپارلمنٹءُ حکومتان برسینین .واجہ زین الدینیءَ پاکستانیءُ ایرانی رژیمانءِ دیکتاتورین ءُ کھّارین حکومتانءِ قومانی دژمنے سیاستءَ، وشین وڑےءَ پہ دیوانءِ نندوکان درشان کتءُ آھانی پلیتین واھگ ڈوبارات.
واجہ شبیر بلوچ بلوچستانءِ راجی جھدکارءَ، چمشانکے بلوچانی راجی جدّءُ جھدے باروءَ پہ وشین وڑےءَ دیوانءِ گوشداروکانءَ پیش کت.
راجدوستین واجہ پروفسور مصطفی کریمزادہءَ مشرقی بلوچستانءِ بلوچانی راجی جدّ ءُ جھدءِ باروءَ چمشانکے دات.
پروفسورءَ درائینت کہ ۱۸۷۳ءَ مشرقیءُ مغربی بلوچستانءَ نوکین سیمسرے اڈ بیت کہ پہ گُل اسمیتءِ سیمسر مشھورانت.
واجہءَ مان وتی گپان اے ھم گوشت کہ ماں اگن سجئین دگنیاءِ تاریحءِ سرءَ چمان شانگ بدئین ، دراجترین لونگ مارچ مان مغربی بلوچستانءَ بیتگ.
دیوانءِ خاصین مھمان ءُ بلوچستانءِ راجی رھدربرءُ سروک، واجہ خیربیار مریءَ گوشت کہ ۱۹۲۷تاں ۱۹۴۸بگِر تاں ھنوں بلوچستانءِ سرزمین قبضہ انت.انگریزءَ بلوچستانءِ سرزمینءَ ٹُکر ٹُکر کت ءُ پاکستانی ءُ ایرانی واکانی پندل اے بیتگءُ ھست انت کہ بلوچ راجءَ شدیگ بکنت، پلینڈی بکنت، براتءَ گون براتءَ جنگ بدات ءُ ءُ رندا آھانی مالءُ مڈیءَ قبضہ کنت.
بلوچستانءِ راجی سروک خیر بیار مریءَ گوشت وھدے کہ انگریزءَ ھندوستانے سرءَ اُرش برت آئیے فوج سرف پنج ھزار ات. گون پنج ھزار فوجءَ سجئین ھندوستان کہ آ زمانگءَ ۴۰۰تاں۵۰۰میلیون ات مان وتی قبضہ ءِ تھا آرت.
انگریزءَ مان وتی ھدفءُ مرادءَ ایمان ھست ات آ تپاک ات.ما بلوچ ھن باید انت کہ ھم ایمان این ببیتءُ انچوش تپاک ببئین
واجہ گوشت تاں اے ساھتءَ ۱۸۰۰۰ھزار بلوچ کار انت. اےشی وت پیش داریت کہ مئے کومے تھا شعور ءُ زانت آتکگءُ ھنوگین ھلتانی تھا مارءَ تپاکیءِ زلورت انت مارءَ لازمی انت کہ یک پلتفارومےءِ تھا ھور ببئین.
مئے دژمن ، مئے ءُ شمئے ناتپاکیءَ لوٹیت. مئے پھکانی پرزانت کہ آھانءَ پہ کامیاب کنگءَ مئیلین.
بلوچستانءِ راجی شائر واجہ سعید برھانزھیءَ گون وتی وشین توارءَ گلحان نصیرءِ پر بندین شئیرے دپگال کت.
دیوانءِ دومی بھر سازءُ زیمل ات . واجہ رستم میرلاشاریءَ گون وتی ھمراھان دیوان شات کت.
رپورٹر: میرک بلوچ
No comments:
Post a Comment