زرمبش دستبندی کنت کہ ماں گوتنبرگ سویڈنءَ بیوکیں تظاھراتءَ بھر زیر اِت

بلوچستانءِ جاورانی نیمگا امریکا و دنیاءِ دلگوشا ترّینگءِ مقصدا ماں سویڈنءِ شھر گوتنبرگءِ مرکزءَ بلوچستانءِ راجی زرمبش گوں بلوچ کمیونٹی سویڈنءَ ھوار تظاھراتے کنگا اِنت۔ شہ سرجمیں بلوچ، بلوچانی دوستواہ وانسانی حقانی پانکجناں دسبندی کنیں کہ تظاھراتا بھر بہ زیر اَنت۔

بلوچ استمانءِ سرا زوراکی برجاہ اَنت۔ شہ بنداتی آسراتی چوش کہ وانگ جاہ و استاد، درمان و دکتر، کار و روزگار، آب و برق، و دگراں زبھری وتی جاگہ ھست انت؛ پاکستان و ایرانی واک بلوچ جھدکاراں یکّوئی کُشگ و چگل دیگا اَنت۔ اے ملکاں شیرک کنوک دنیاءِ زنڈیں واک اَنت۔

خاص امریکاءِ برجاھیں کمک پاکستانءَ نہ ایوکا زندگ دارگا اِنت، ایشیءِ کشا پاکستان زوراک تر بیان اِنت و ھمے توانائیءَ پاکستان بلوچستانءِ سیاسی زرمبشءِ پروش دیگا کارمرز کنگا اِنت۔

آدگہ دیما ایرانی زوراکی بازیں میانملکی گل و ٹولیاں دنیاءِ واکانی دیما پاشک کتگ اَنت، بلہ ایرانءِ خلافا تانگہ ترندیں گامے چست کنگ نہ بیتگ۔

ھمے جاورانی نیمگا امریکا و دنیاءِ دلگوشا ترّینگءِ مقصدا ماں سویڈنءِ شھر گوتنبرگءِ مرکزءَ بلوچستانءِ راجی زرمبش گوں بلوچ کمیونٹی سویڈنءَ تظاھراتے کنگا اِنت۔ شہ سرجمیں بلوچ، بلوچانی دوستواہ و انسانی حقانی پانکجناں دسبندی کنیں کہ تظاھراتا بھر بہ زیر اَنت۔

اے تظاھراتءَ ناورےءِ باسک ھم بھر زیر اَنت۔ ناورےءِ سنگتاں دستبندی اِنت کہ اوسلوءَ مترو سنٹرءِ پارکنگءَ کلاک 09:30ءَ وتا سر بہ کن اَنت۔ شہ اودا کلاک 10:00ءَ مردم رھیجگر اَنت۔

تظاھراتءِ رمس و وھد

رمس: شنبہ 5 نومبر 2011

وھد: کلاک 14:30 تانکہ 16:00

جاگہ:

Kungsportplatsen 2

41110 Gøteborg

Sverige ۔ Central

Sweden

شمئے راھچار

بلوچستانءِ راجی زرمبش

http://www.zrombesh.net/index.php?option=com_k2&view=item&id=255:zrombesh-demo&Itemid=61