بلوچ نشنل مومنٹءِ مزن دیوانءِ کامیابیں آسر بئیگ، بی ان امءِ باسک و بلوچستانءِ راجی جهدکاران مبارک بات.
BNMءِ مزن دیوانءِ برجاه دارگ ماں چوشیں جاوراں کہ درآمدیں واکدارانی ظلم و زوراکیءِ سببءَ ماں بلوچستانءِ هرچ کنڈ و دمگءَ آس روک انت و بلوچ راجءِ جهدکار گوں بے دردیءَ بیگواه و کشگ و شهید کنگ بئیگ انت، په وتی گلزمینءِ آجو کنگءَ، المءَ بلوچ راجی جهدکارانی ارادهءِ پکاهی و محکمیءَ پیش دارانت.
ماں چوشیں جاوراں BNMءِ نوک گچین بیتگیں ذمه دارانی کوپگءَ گرانیں بارے دئیگ بیتگ و امیت انت کہ آ گوں BNMءِ باسک و اے دگہ راجی جهدکارانی کمک و همراه داریءَ، وتی ذمه داریانی پوره کنگءَ کامیاب و سوبین بئـینت.
بلوچستانءِ راجی زرمبش(زرمبش) ماں اے راهءَ شمئی همراه و سوبانی لوٹوک انت.
بلوچستانءِ راجی زرمبش(زرمبش)ءِ بنجاهی کمیٹی
October 25, 2010
No comments:
Post a Comment