حاصل بزنجو و أمریکی سفیرءِ گدار، أفغاناں در کنگءِ جھدءِ فیصلہ

حاصل بزنجوءَ بانک پٹرسن سھیگ کت که پاکستانی واکانءِ بندیگیں بلوچ سیاسی جھدکارانءِ نیاما تانگه یکـّے ھم سرکاری واکاں یلہ نہ داتگ۔ سیاسی بندیگاں آزاد کنگءِ سرکاری بٹاکءِ تھا ھچ راستی مان نیست إنت۔

روچتاک إنتخابءِ ردا نشنل پارٹیءِ چیردستیں صدر حاصل بزنجوءَ ماں کراچی گوں أمریکائی سفیر بانک 'أن پَٹرسن' گدار کت و دوئیں کساں بلوچستانءِ سیاسی جاورانءِ سرا تران کت۔

حاصل بزنجوءَ بانک پٹرسن سھیگ کت که پاکستانی واکانءِ بندیگیں بلوچ سیاسی جھدکارانءِ نیاما تانگه یکـّے ھم سرکاری واکاں یلہ نہ داتگ۔ سیاسی بندیگاں آزاد کنگءِ سرکاری بٹاکءِ تھا ھچ راستی مان نیست إنت۔

إیشیءِ کشا ماں بلوچستان دوزی، کوشت کؤش، نشوی درمان سوداگری و کلاشنکوفءِ دودمانءِ رواج گرگءِ ذمواری حاصل بزنجوءَ أفغان مھاجرانءِ چکـّا جت أنت۔ پمیشا آئی شہ أمریکی سفیر دستبندی کت کہ إیشان پدی أفغانستانءَ راہ دیگءِ بند بست کنگ بہ بیت۔

بانک پٹرسنءَ زبان دات کہ آئی بلوچستانءِ جاورانءِ باروا کہ إیشی تھا پاکستانءِ فوجی آپریشن ھم ھؤر أنت، گوں پاکستانی واکاں گپ کنت۔ و أفغان مھاجران پدی راہ دیگءِ توجیلے کنگءِ جھدا کنت۔

بلوچی نیوز داٹ کام

Source: http://www.balochinews.com