بیا إت ھؤر بییں؛ راجی زرمبشءِ دستبندی

بلوجستانءِ راجی زرمبشءَ وتی شنگ کتگيں بیانےءَ شہ سرجمیں بلوچ جھدکار و ٹولیاں دستبندی کتگ کہ بلوچستانءِ راجی آزادیءِ لوٹا دیم پہ سوبینیا برگءِ مقصدا یک ھؤریں راجی گلے أڈ بہ کن أنت۔

بلوجستانءِ راجی زرمبشءَ وتی شنگ کتگيں بیانےءَ شہ سرجمیں بلوچ جھدکار و ٹولیاں دستبندی کتگ کہ بلوچستانءِ راجی آزادیءِ لوٹا دیم پہ سوبینیا برگءِ مقصدا یک ھؤریں راجی گلے أڈ بہ کن أنت۔ خاص شہ بلوچستانءِ اُستمانی گلءَ دستبندی بیتگ کہ پہ ھؤر بیگا سِتک دِلیں گام چست بہ کنت۔

بیانا سرکچ داتگ کہ بلوچستانءِ راجی زرمبشءِ لوٹ کہ 'راجی آزادی' إنت و اُستمانءِ لوٹ کہ 'راجی حاکمی' إنت؛ ھر دو یک أنت۔ پمیشا ضروری إنت کہ ھؤر بہ بنت و جھدا دیما بہ بر أنت۔

زرمبشءِ بیانا آتکگ کہ ألــّمی إنت یک بلاھیں سیاسی گلے أڈ کنگ بہ بیت۔ إیشیءِ تھا تمامیں گل و سیاسی واک ھؤر بہ بنت۔ پرچاکہ جدا جدا جھد کنگا ھچ دلیل نیست إنت۔ دیمترا اُمیدواری إش درشان کتگ کہ پہ إے راجی ضرورتءِ پیلو کنگا سرجمیں بلوچ گل، ٹولی و جھدکار ھؤرکاری کن أنت۔

Source: www.balochinews.com