ھر ،روباہ ،شیر

Ali Raesi

1 tim · 

ھر ،روباہ ،شیر

ھر ءَچہ واندکار ءَ زھر زرت ، آیی ءِ سر جنگل ءْ وشیں زیدے ءَ کپت ، وارت پزور بوت ۔یک روچے ملا روباہ ءَ گوشت : سک سرگ ءَ یے ، پسہ دات دشمنان ترسینان ، روباہ ءَ گوشت ترّ ھم دیگ ءَ یے ۔ گوشتی چہ ترس ءَ تر دیگ ءَ ان۔
روباہ جنگل ءَ ترّان بوت ، شیرءَ دستک اشارہ کت ھمینگو بیا ، شیر ءَ جست کت ملا اے چونین بلاھین اے جنگل ءَ سربوتگ ، من چہ ترس ءَ کوراں ، اشی ءِ توار چہ منی توار ءَ برزترانت کہ کوہ جکس انت ، ترّ ھم چہ منی تران مسترانت ، دنتان چہ منی دنتان ، گوش چہ منی گوشان دراج تر ، سرمب چہ منی پنجگان مستر انت ، سے روچ انت من چہ وتی پناھجاہ ءَ درکپت نکنان ، پہ من توجیلے بکن ۔ اے بلاہ چی اینت ؟
روباہ ءَ کندگے جت ءْ پسہ دات واجہ اے ھرانت ءْ تیی وراک ، درکپ آیی ءَ درّ دور دی ، گندان من ءَ بدی۔
شیرءَ گرّگے جت ءْ بزگّین ھر درت دور دات ۔
مروچاں کہ عراق ءَ جنگ جاری انت ، ءْ سے ٹکرّ بیگی انت ،ایران ءِنوکین رییس جمھور حسن روحانی
ءَ وتی داریں کلیت دست ءَ کتگ ءْ گوں دراج کشیّن گپاں داعشیان پاترپ دیگ ءَ انت عربستان ءْ آ دگہ ملکان کہ داعشیانی پشتیبان انت گوشگ ءَ انت کہ شمے مرگ نزیک انت ۔ واجہ ءِاے چلیک چلاک مردم ءَ ھما ھر روباہ ءْ شیرءِ ترانگ ءَ پرین ایت ،
نوری المالکی ءِ ارتش ءَ وتی پچ بوٹ دور داتگ ءْ جستگ انت ، امریکہ ۳۰۰ سپاھیگ پہ وتی سفارت پانکپانی بغداد ءَ آورتگ ، پیری علی سیستانی ءَ فتوا داتگ شیعیان پہ علی ءْ حسین قبرانی سامبالگ ءَ تپنگ بڈ ءَ کن ات ،ملا خامنہ ای سر ءَ سرینگ ءَ انت
۔۔۔۔۔۔۔چاریں باریں رند ءَ چی بیت ۔۔۔۔۔۔